Թբիլիսիի պատանի հանդիսատեսի հայկական թատրոն, առաջին հայկական մանկական թատրոնը ստեղծվել է Թիֆլիսում։ Գործել է 1927 թվականից մինչև 1945 թվականը։
Պատմություն
Թբիլիսիի պատանի հանդիսատեսի հայկական թատրոնը հիմնադրվել է 1927 թվականին՝ որպես մանկապատանեկան թատրոն, որի ղեկավարը եղել է Արշակ Բուրջալյանը։
1928 թվականին թատրոնը կոչվել է 26 կոմիսարների անվամբ և բացվել Դեմիրճյանների «Քաջ Նազար» բեմադրությամբ։ 1929 թվականի վերանվանվել է Թիֆլիսի պատանի հանդիսատեսի հայկական պետական թատրոն։ Բեմադրություններից են Ս․ Մթվարաձեի և Բ․ Գամրեկելու «Արսեն Մարաբդելի» (1936), Շիլլերի «Սեր և խարդավանք» (1939), «Չախ-Չախ թագավոր» (ըստ Թումանյանի, 1945), Սունդուկյանի «Խաթաբալա» (1945)։
Թատրոնի գլխավոր ռեժիսորներն են եղել Արմեն Արմենյանը, Ալեքսանդր Աբարյանը, Ս․ Քափանակյանը, ռեժիսորներ՝ Լ․ Ֆիդանյանը, Հ․ Վարձիգուլյանը, նկարիչներ՝ Զ․ Սիմոնյանը, Վաղարշակ Էլիբեկյանը, Մ․ Կիրակոսյանը, դերասան-դերասանուհիներ՝ Բաբկեն Ներսիսյանը, Ծ․ Վրույրը, Հ․ Խաչատրյանը, Ծ․ Գրիգորյանը, Ս․ և Լ․ Ալիխանյանները, Գ․ Փաշյանը և ուրիշներ[1]։
Փակվել է 1945 թվականին։
Բեմադրություններ
- Ս. Մթվարաձեի և Բ. Գամրեկելու «Արսեն Մարաբղելի»
- Ֆրիդրիխ Շիլլերի «Սեր և խարդավանք»
- Գաբրիել Սունդուկյանի «Խաթաբալա»
- Հովհաննես Թումանյանի «Չախ-չախ թագավորը»
Գլխավոր ռեժիսորներ
Դերասաններ
- Բաբկեն Ներսիսյան
- Ծ. Վրույր
- Հ. Խաչատրյան
- Շ. Գրիգորյան
- Ս. և Լ. Ալիխանյաններ
- Գ. Փաշյան
Տես նաև
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
