Լոնդոնի գիտության թանգարան

Լոնդոնի գիտության թանգարան, վիկտորիանական դարաշրջանի երեք հիմնական թանգարաններից մեկն է։ Թանգարանը գտնվում է Լոնդոնի Հարավային Կենսինգտոն թաղամասի Էքսիբիշն Ռոուդում։ Լոնդոնի գիտության թանգարանը մեծահասակների և մանուկների ամենասիրելի թանգարաններից մեկն է, որտեղ կարելի է ոչ միայն դիտել ցուցանմուշները, այլև դիպչել դրանց, մանրամասն ուսումնասիրել։

Լոնդոնի գիտության թանգարան
Տեսակ	գիտության թանգարան, տեխնոլոգիայի թանգարան, ազատ հասանելիության հրատարակություն, ազգային թանգարան և թանգարան
Երկիր	Միացյալ Թագավորություն[1][2]
Տեղագրություն	Հարավային Կենսինգտոն
Վայր	Էթզիբիշն ռոուդ
Մասն է	Science Museum Group?
Հասցե	Exhibition Road, South Kensington, London, SW7 2DD[3]SW7 2DD
Հիմնադրվել է	հունիսի 26, 1909
Այցելուներ	2 989 000 մարդ (2012)
Տնօրեն	Իեն Բլաչֆորդ
Կայք	sciencemuseum.org.uk​(անգլ.)

Պատմություն

Թանգարանը բացվել է 1857 թվականին` թագավորական թանգարանի ավել ցուցանմուշների հիման վրա։ Թանգարանի ներկայիս շենքը կառուցվել է Ռիչարդ Էլիսոնի կողմից և թանգարանը հասարակության այցելությունների համար բաց է եղել մերթ ընդ մերթ` 1918-1928 թվականներին։

Ցուցանմուշներ

Ներկայումս թանգարանն ավելի քան 300 հազար ցուցանմուշ ունի, այդ թվում նաև այնպիսի հանրահայտ ցուցանմուշներ, ինչպիսիք են Ստեֆանսոնի «Հրթիռ»-ը, «Փնչացնող Բիլլի» շոգեքարշը, առաջին ռեակտիվ շարժիչը, Ֆրենսիս Քրիկի և Ջեյմս Ուոտսոնի ԴՆԹ-ի նմուշները, «երկարակյաց» ժամերի առաջին նախատիպը և այլն։

Տեսքի և ցուցանմուշների նկարագրություն

Թանգարանի ներսում գտնվում է մեծ կենտրոնական դահլիճը, որն ամբողջությամբ ապակուց է։ Այնտեղից կարելի է տեսնել թանգարանի հինգ հարկերում տեղակայված պատկերասրահները։ Յուրաքանչյուր սրահ իրեն հատուկ թեմատիկա ունի։ Օրինակ, ժամացույցների սրահում կարելի է տեսնել տարբեր ժամանակաշրջանների ժամացույցներ՝ սկսած վաղ եգիպտական և հռոմեական դարաշրջաններից մինչև ամենաժամանակակից մոդելներ։ Ինչպես նաև կան սրահներ նվիրված աստղագիտական գյուտերին, քիմիային, տպագրությանը, հաղորդակցությանը, ֆիզիկային և այլն։

Ամենավերին հարկը ամբողջությամբ նվիրված է թռչող սարքերին, ընդ որում յուրաքանչյուր սարքի կողքին տեղադրված է հեռախոս, որի խոսափողը վերցնելով կարելի է լսել այդ սարքի ստեղծման ողջ պատմությունը։

Պատկերասրահ

• 
• 
• 
• 
• 
• 

Ծանոթագրություններ

1. Բաց մատչելիության ամսագրերի տեղեկատու — 2003.
2. https://vocaleyes.co.uk/research/heritage-access-2022/benchmark/
3. https://www.sciencemuseum.org.uk/

Արտաքին հղումներ

• Տեղեկություն թանգարանի մասին Արխիվացված 2016-01-10 Wayback Machine

Վիքիպահեստն ունի նյութեր, որոնք վերաբերում են «Լոնդոնի գիտության թանգարան» հոդվածին։