Կլին (քաղաք)
քաղաք Մոսկվայի մարզում From Wikipedia, the free encyclopedia
քաղաք Մոսկվայի մարզում From Wikipedia, the free encyclopedia
Կլին (ռուս.՝ Клин), քաղաք Մոսկվայի մարզում, Կլինի շրջանի վարչական կենտրոն։ Զինվորական քաջարիության բնակավայր[2]։
Քաղաքը նշանավոր է որպես ռուսական մշակույթի և գիտության ականավոր գործիչների կեցության վայր։ Տարբեր տարիների ընթացքում Կլինում են ապրել Պյոտր Չայկովսկին, Արկադի Գայդարը, Դմիտրի Մենդելեևը, Ալեքսանդր Ռադիշչևը, Միխայիլ Պրիշվինը, Ապոլինարի Վասնեցովը, Կլիմենտ Տիմիրյազևը, Ալեքսանդր Ալյաբևը, Եվգենի Լեոնովը և այլք[3]։
Գտնվում է Սեստրա գետի ափին, ՄՕԱՃ-ից 68 կմ հեռավորության վրա (Կրեմլից՝ 86 կմ, Լենինգրադյան կայարանից՝ 82 կմ, Մոսկովյան կայարանից՝ 566 կմ)։
Հուլիսի միջին ջերմաստիճանը կազմում է 18,6 °С, հունվարի միջին ջերմաստիճանը՝ −7,1 °С։
Կլինը Ռուսաստանի հնագույն քաղաքներից է։ Առաջին հիշատակումը վերաբերում է 1317 թվականին Նիկոնյան տարեգրության մեջ։
Բերդ-քաղաքը՝ տեղակայված բարձր բլրի վրա, կարևոր ռազմավարական կետ էր Մոսկվայից Մեծ Նովգորոդ տանող ջրային և ցամաքային ուղու վրա։
12-13-րդ դարերում Կլինի շրջանը մտնում էր Վլադիմիր-Սուզդալյան, իսկ 13-րդ դարի կեսերում՝ Տվերի իշխանության մեջ։ Գտնվելով Տվերի իշխանության կազմի մեջ՝ բազմիցս ենթարկվել է ռուս իշխանների և մոնղոլ-թաթարների հարձակումներին։ Սաստիկ ավերվել է 1409 թվականին մոնղոլ Եդիգեյի կողմից։
1485 թվականին Կլինը մտավ Մոսկվայի իշխանության մեջ։
1781 թվականին՝ Եկատերինա II-ի գահակալման ժամանակ, Կլինը ստացավ Մոսկվայի նահանգի գավառական քաղաքի կարգավիճակ, նաև ձեռք բերեց սեփական զինանշան՝ նամակատար՝ նստած ձիու վրա և եղջերափող փչելիս։
1917 թվականի հոկտեմբերին հաստատվեց Սովետական իշխանությունը։
Հայրենական մեծ պատերազմի ժամանակաշրջանում Կլինը վերապրեց երեքշաբաթյա գերմանական օկուպացիան (1941 թվականի նոյեմբերի 23-ից մինչև դեկտեմբերի 15)։ Քաղաքում ավերվեցին 258 բնակելի տներ, գյուղում այրվեցին 2305-ը։ Անօթևան դարձան 17312 բնակիչ։ Ֆաշիստներից Կլինի ազատագրումից հետո քաղաքացիները ձեռնամուխ եղան վերականգնելու բնակավայրերը[3]։
Բնակչության թիվը | |||||||||||
---|---|---|---|---|---|---|---|---|---|---|---|
1856[4] | 1859[4] | 1897[4] | 1913[4] | 1926[4] | 1931[4] | 1939[5] | 1959[6] | 1962[4] | 1967[4] | 1970[7] | 1972 |
3900 | 4000 | 4700 | 7400 | 8700 | 13 100 | 27 691 | 53 322 | 60 000 | 69 000 | 80 875 | 84 000 |
1973[4] | 1976[4] | 1979[8] | 1982[9] | 1986[4] | 1987[10] | 1989[11] | 1992[4] | 1996[4] | 1998[4] | 2000[4] | 2001[4] |
85 000 | 88 000 | 91 487 | 93 000 | 95 000 | 95 000 | 94 908 | 95 100 | 92 800 | 90 500 | 89 100 | 87 900 |
2002[12] | 2003[4] | 2005[4] | 2006[4] | 2007[4] | 2008[4] | 2009[13] | 2010[14] | 2011[4] | 2012[15] | 2013[16] | 2014[17] |
83 178 | 83 200 | 82 900 | 82 400 | 81 900 | 81 500 | 80 906 | 80 585 | 80 600 | 80 128 | 79 924 | 79 461 |
2015[18] | 2016[19] | 2017[20] | 2018[21] | 2019[22] | 2020[23] | 2021[24] | 2023[25] | ||||
79 249 | 79 075 | 79 056 | 79 168 | 79 387 | 79 715 | 88 511 | 88 525 |
Սեփական արտադրության ապրանքների արտահանման ծավալը 2009 թվականի ընթացքում 29,3 միլիարդ ռուբլի է։
2019 թվականի սեպտեմբերի 5-ին Ռուսաստանի Կենտրոնական բանկը շրջանառության մեջ դրեց «Ռուսաստանի հին քաղաքներ» շարքի[26] 10 ռուբլի անվանական արժեքով մետաղադրամ՝ «ք․ Կլին, Մոսկվայի մարզ»։
2016 թվականի հունվարի 31-ին Կլինում բացվեց «Արևամանուկ» հայկական դպրոցը՝ առաջին հայկական դպրոցը քաղաքում[27]։ Աշակերտների թիվը մոտ 200 է (2023թ․): Հայերեն գրել-կարդալուց բացի երեխաները ուսումնասիրում են հայոց պատմություն և աշխարհագրություն, ծանոթանում են ժողովրդական երգարվեստին, տոնում ազգային և Հայ Առաքելական Եկեղեցու տոները։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.