![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/49/Jacob%2527s_Well_in_2013.jpg/640px-Jacob%2527s_Well_in_2013.jpg&w=640&q=50)
Հակոբի ջրհոր
From Wikipedia, the free encyclopedia
Հակոբի ջրհոր (Բիր-Յակուբ), ժայռի մեջ փորված խոր (մոտ 35 մ) ջրհոր Նաբլուսում (Պաղեստինյան ազգային վարչություն)։
![Thumb image](http://upload.wikimedia.org/wikipedia/commons/thumb/4/49/Jacob%27s_Well_in_2013.jpg/640px-Jacob%27s_Well_in_2013.jpg)
Կրոնական ավանդության մեջ ջրհորը կապվում է Հակոբի հետ ավելի քան երկու հազարամյակ։ Այն գտնվում է Թել-Բալատ հնագիտական պեղումների վայրի (ենթադրաբար աստվածաշնչյան Սիհեմ) մոտ՝ Գարիզիմ լեռան հյուսիսարևմտյան կողմում[1][2]։
Այդ ջրհորի մոտ տեղի է ունեցել Հիսուսի հանդիպումը սամարացի կնոջ հետ, որը նկարագրված է Հովհաննեսի ավետարանում։
Ներկայում Իակովի ջրհորը գտնվում է կրիպտեում, որը տեղակայված է Ֆոտինիա Սամարացուն նվիրված մեծ վանական տաճարի զոհասեղանի տակ։ Իակովի ջրհորի վանքը պատկանում է Երուսաղեմի պատրիարքարանին[3]։
Ջրհորը սուրբ վայր է համարվում ոչ միայն քրիստոնյաների, այլև հուդայականների, սամարացիների և մուսուլմանների համար[4]։ Կրոնական հողի վրա այստեղ 1979 թվականին հոգեկան հիվանդ հրեա-մոլեռանդի կողմից դաժանորեն սպանվել է իգումեն Ֆիլումենը[5][6], դրանից հետո մարդասպանը պղծել է տաճարը՝ հասցնելով նաև նյութական վնաս[7][8]։ Նույն մարդասպանի կողմից 1982 թվականին այս վանքում ծանր վիրավորվել էր միանձնուհի[5]։