Ճարտար (քաղաք)
քաղաք Լեռնային Ղարաբաղի Մարտունու շրջանում / From Wikipedia, the free encyclopedia
Ճարտար, քաղաք Արցախի Հանրապետության Մարտունու շրջանում։ Տեղաբաշխված է հանրապետության հարավարևելյան հատվածում։ Մարտունի շրջկենտրոնից գտնվում է 17 կմ հեռավորության վրա, իսկ մայրաքաղաք Ստեփանակերտից՝ 78 կմ հեռավորության վրա։ Համայնքը լեռնային է, ունի 3883,8 հա տարածք, որից 2665,38 հա գյուղատնտեսական նշանակության, 832,59 հա անտառային հողեր։
- Անվան այլ կիրառումների համար տե՛ս՝ Ճարտար (այլ կիրառումներ)
Արագ փաստեր Քաղաք, Երկիր ...
Քաղաք | ||
---|---|---|
Ճարտար | ||
Արցախյան ազատամարտում զոհված նահատակների հուշարձանը Ճարտարում | ||
Երկիր | Արցախ | |
Շրջան | Մարտունու | |
ԲԾՄ | 780 մետր, 722 մետր | |
Բնակչություն | 1 738[1] մարդ (2005) | |
Ազգային կազմ | Հայեր | |
Կրոնական կազմ | Հայ Առաքելական եկեղեցի | |
Ժամային գոտի | UTC+4 | |
| ||
Փակել
Ճարտարը սկզբնապես գյուղի կարգավիճակ է ունեցել (եղել է Արցախի ամենամեծ գյուղական համայնքը), սակայն 2014 թվականի նոյեմբերի 26-ին ԼՂՀ Ազգային ժողովի լիագումար նիստում ընդունվեց կառավարության առաջարկը` Մարտունու շրջանի Ճարտար համայնքին տալ քաղաքի կարգավիճակ[3]։