Մայքլ Հութոն (վիրուսաբան)
վիրուսաբան From Wikipedia, the free encyclopedia
վիրուսաբան From Wikipedia, the free encyclopedia
Սըր Մայքլ Հութոն (ծնված՝ 1949 թվական) բրիտանացի գիտնական և Նոբելյան մրցանակի դափնեկիր։ 1989 թվականին նա, Քուի-Լիմ Չուի, Ջորջ Կուոյի և Դենիել Բրեդլիի հետ միասին նա հայտնաբերեց հեպատիտ C-ն[8]։ 1986 թվականին նա հեպատիտ D-ի գենոմը հայտնաբերման համահեղինակ դարձավ[9]։ Հեպատիտ C-ի վիրուսի (HCV) հայտնությունը հանգեցրեց արյան պաշարներում HCV-ի ախտորոշիչ ռեագենտների հայտնաբերման արագ զարգացմանը, ինչը նվազեցրեց արյան փոխներարկման միջոցով HCV-ի ձեռքբերման ռիսկը՝ յուրաքանչյուր երրորդից մինչև երկու միլիոնից մեկը[10][11]։
Մայքլ Հութոն | |
---|---|
Ծնվել է | 1949[1] |
Ծննդավայր | Լոնդոն, Միացյալ Թագավորություն[2][1] |
Քաղաքացիություն | Միացյալ Թագավորություն |
Կրթություն | Արևելյան Անգլիայի համալսարան և Լոնդոնի թագավորական քոլեջ |
Մասնագիտություն | կենսաքիմիկոս, վիրուսաբան, մանրէաբան և հետազոտող |
Աշխատավայր | Ալբերտայի համալսարան, Chiron Corporation? և Ալբերտայի համալսարան[3] |
Պարգևներ և մրցանակներ | |
Michael Houghton Վիքիպահեստում |
Հոութոնը ներկայումս Կանադայի վիրուսաբանության ոլորտում առաջատար հետազոտությունների ամբիոնի վարիչն է և Ալբերտայի համալսարանում՝ Լի Կա Շինգ վիրուսաբանության պրոֆեսոր, որտեղ նա նաև Լի Կա Շինգ կիրառական վիրուսաբանության ինստիտուտի տնօրենն է[12]։ Նա Հարվի Ալտերի և Չարլզ Ռայսի հետ միասին 2020 թվականի ֆիզիոլոգիայի կամ բժշկության ոլորտում Նոբելյան մրցանակի դափնեկիրներից մեկն էր[13][14]։
Հութոնը ծնվել է Միացյալ Թագավորությունում 1949 թվականին, նրա հայրը եղել է բեռնատարի վարորդ և արհմիության պաշտոնյա[15]։ Նա կրթություն է ստացել Ալեյնի դպրոցում[16]։ 17 տարեկանում, կարդալով Լուի Պաստերի մասին, նա ոգեշնչվեց դառնալ միկրոկենսաբան[17][18]։ Հութոնը, Արևելյան Անգլիայի համալսարանում սովորելու, կրթաթոշակ շահեց, որն 1972 թվականին ավարտեց կենսաբանական գիտությունների երկրորդ կարգի գերազանցությամբ[19], իսկ այնուհետ, 1977 թվականին, կենսաքիմիայի ոլորտում իր PhD թեզը պաշտպանեց Լոնդոնի Քինգս քոլեջում[15][20]։
1982 թվականին Հութոնը ընդունվեց Chiron Corporation։ Այնտեղ Հիվանդությունների վերահսկման և կանխարգելման կենտրոնների իր գործընկերներ Qui-Lim Choo-ի և George Kuo-ի և Դենիել Վ. Բրեդլիի հետ հեպատիտ C վիրուսի առկայության ապացույցներ բացահայտեց[21]։
Հութոնը 1989 և 1990 թվականներին հրապարակված մի շարք արգասաբեր հետազոտությունների համահեղինակն էր, որոնք բացահայտեցին արյան մեջ հեպատիտ C-ի հակամարմինների առկայությունը, հատկապես այն հիվանդների մոտ, ովքեր հիվանդանալու ավելի բարձր ռիսկի տակ էին, ներառյալ նրանց, ովքեր արյան փոխներարկում էին ստացել։ c[22][23][24][25] Այս աշխատանքը հանգեցրեց 1990 թվականին արյան ստուգման թեստի մշակմանը; Արյան համատարած հետազոտությունը, որը սկսվեց 1992 թվականին՝ ավելի զգայուն թեստի մշակմամբ, այն ժամանակից ի վեր Կանադայում դոնորական արյան պաշարների հեպատիտ C-ով վարակվածությունը գործնականում վերացրել է[26][27]։ Նույն ժամանակահատվածում հրապարակված այլ ուսումնասիրություններում Հութոնը և նրա գործընկերները հեպատիտ C-ն կապում էին լյարդի քաղցկեղի հետ[28][29][30]։
2013 թվականին Ալբերտայի համալսարանի Հոֆթոնի թիմը ցույց տվեց, որ հեպատիտ C-ի մեկ տեսակից ստացված պատվաստանյութն արդյունավետ է վիրուսի բոլոր տեսակների դեմ[31][32]։ 2020-ի դրությամբ, վակցինը նախակլինիլական փորձարկում էր անցնում[33]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.