Մարշալի գրադարան
Քեմբրիջի համալսարանի մասնագիտացված տնտեսական գրադարան From Wikipedia, the free encyclopedia
Քեմբրիջի համալսարանի մասնագիտացված տնտեսական գրադարան From Wikipedia, the free encyclopedia
Մարշալի գրադարան (անգլ.՝ Marshall Library of Economics), Քեմբրիջի համալսարանի մասնագիտացված տնտեսական գրադարան։
Երկիր | Միացյալ Թագավորություն |
---|---|
Տեսակ | համալսարանի գրադարան |
Գրադարանի պատմությունը սկսվել է 1885 թվականին, երբ Քեմբրիջի համալսարանի պրոֆեսորներ Ալֆրեդ Մարշալն ու Հենրի Սիջվիկը սեփական գրքերը համալսարանին նվիրեցին ուսանողների օգտագործման համար։ Գրքերը տեղավորեցին աստվածաբանության դպրոցում։ 1906 թվականին գրքերը ի պահ հանձնվեցին համալսարանի տնտեսագիտության և քաղաքականության հարցերով հատուկ խորհրդին։ 1909 թվականին Ալֆրեդ Մարշալի ուսանող, տնտեսագետ Ջ. Մ. Քեյնսը դարձավ «Ֆակուլտետի տնտեսագիտության գրադարան» անվանումը ստացած հավաքածուի առաջին նշանակված գրադարանավարը։
Ա. Մարշալը մինչև իր մահը` 1924 թվականը, գրադարանին է նվիրաբերել գրքեր և դրամական միջոցներ։ Այդ պատճառով 1925 թվականին գրադարանը ստացել է ներկա անվանումը։ Հիմնադրի այրին` Մերի Մարշալը, գրադարանը գլխավորել է այդ ժամանակից մինչև 1944 թվականը։ Ամուսնու մահից հետո նա ամեն տարի գրադարանին է նվիրաբերել 250 ֆունտ ստեռլինգ, և իր կտակում գրադարանին է թողել ևս 10 000 ֆունտ ստեռլինգ։
Հավաքածուի գրադարանավարներից մեկը հայտնի տնտեսագետ Պիերո Սրաֆան էր։
1960-ականներին գրադարանը տեղափոխվել է հատուկ կառուցված շենք Սիջուիկ պողոտայում։
Ներկայումս գրադարանն ունի 1800 գրանցված ընթերցող։ Գրադարանի ֆոնդը կազմում է ավելի քան 75 000 գիրք և 25 000 մասնագիտացված ամսագիր[1], ինչպես նաև պատմական հավաքածուներ, որոնք ներառում են Քեմբրիջի տնտեսագետների (Ալֆրեդ Մարշալի, Ջոն Քեյնսի, Արթուր Պիգուի, Էդվին Ռոբինսոնի և այլոց) մոտ 4000 գիրք և արխիվային նյութեր։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.