Չիլիի զինանշան, Չիլիի պետական խորհրդանիշներից մեկը։ Զինանշանն ընդունվել է 1834 թվականին, հեղինակը անգլիացի Չարլզ Վուդ Թեյլորն է (անգլ.՝ Charles Wood Taylor)։
Չիլիի ազգային գույներով աստղով զինանշանային վահանը պահում են աջ կողմում գտնվող Անդյերյան կոնդորը (Vultur gryphus), իսկ ձախ կողմում՝ հարավային անդերյան եղնիկը[1] (Hippocamelus bisulcus), որոնք Անդերի խորհրդանիշներից են, որոնց երկայնքով ձգվում է երկիրը։ Զինանշանի ներքևում կա նշանաբանով ժապավեն «Por la Razón o la Fuerza» («Իրավունքով կամ ուժով»)։
Պատմություն
Չիլիի առաջին զինանշանն ընդունվել է 1812 թվականին։ Զինանշանի հիմնական տարրը ազատության ծառը ներկայացնող սյունն է։ Այս սյունը լրացնելու համար գտնվում է երկրագնդի գլոբուսը, երկրագնդի վերևում կան խաչված նիզակ և արմավենու ճյուղ, որի վերևում գտնվում է աստղը։
Վահանը կրողներն են տղամարդը և կինը, բնիկները։ Վերևում և ներքևում կան լատիներեն կարգախոսներ՝ «Post Tenebras Lux »վերևից և «Aut Consilio Aut Ense» ներքևից։
1817 թվականին հայտնվեցին զինանշանի 2 նոր նախագծերը։
1818 թվականին հայտնվեց զինանշանի նոր նախագիծ, որը հաստատվեց 1819 թվականի սեպտեմբերի 23-ին։ Վահանի օվալաձև կապույտ դաշտում սյուն կար, որը կանգնած էր սպիտակ մարմարե պատվանդանի վրա։ Սյան վերևում «Լիբերտադ» (Ազատություն) կարգախոսն է, որից վեր 3 աստղ է, որոնցից վերևը ներկայացնում է Սանտյագոն։
Վահանը կողքերից շրջապատված է դափնու երկու փոքր ճյուղերով, որոնք փաթաթված են եռագույն ժապավենով և զենքի տարբեր տեսակի հերալդիկ խորհրդանիշներով, որոնք ներկայացնում են՝ հեծելազոր, հետևակ, հրետանի։
Տես նաև
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.