Australia

Australia, oficialmen li Comunalité de Australia, es un país in li Sudic Hemisfere inbrassant li chef terra del max micri continente del munde e pluri insules in li Sudic Ocean, li Indian Ocean, e li Pacific Ocean. Vicin países include Indonesia, Ost-Timor e Papua Nov-Guinéa al nord, li Insules Salomon, Vanuatu e li francés dependentie de Nov-Caledonia al nordoriente, e Nov-Zeland al sudoriente.

Comunalité de Australia

Cité capital	Canberra
Lingues	Anglesi
Area	7 692 024 km²
Population	26 124 814
Valuta	Dollar australian (AUD)

Indigeni Australianes ha habitat li chef terra del continente de Australia durante plu quam 42,000 annus. Pos sporadic visitationes per piscatores del nord e per europan exploratores e mercantes desde li decisettesim secul, li ost demí del continente esset pretendet per li Britannes in 1770 e oficialmen colonisat per penal transportation quam li colonia de Nov Sud Gallia ye 26 januar 1788. Durante que li population augmentat se e nov areas esset explorat, altri quin precipuemen self-guvernant Colonias del Coron esset successivmen etablisset durante li decininesim secul.

Ye 1 januar 1901, li six colonias devenit un Federation, e li Comunalité de Australia esset format. Desde federation, Australia ha conservat un stabil liberal democratic political sistema e remane un Reyía del Comunalité. Li capital cité es Canberra, situat in li self-guvernant Australian Capital Territoria. Ye li fin de septembre 2022, li national population esset circa 26.1 million homes,^[1] concentrat chefmen in li grand costal cités de Sydney, Melbourne, Brisbane, Perth, e Adelaide.

• Chef del state: Rey Charles III representat per li general-governator David Hurley
• Prim-Ministre: Anthony Albanese

Li federativ states e territorias

Australia have six federativ states, chascun de queles es un del original colonias quel devenit partes del federation. Australia anc have du self-guvernant territorias, e ott altri territorias (quar con un permanent population, e quar sin tal). Li self-guvernant territorias posse acter, max sovente, quam states, ma li federal guvernament retene li jure de anullar lor leges si it desacorda con les, alquo quel it ne posse far con li states.

States de Australia

State	Postal abreviation	Capital cité	Population (2022)[1]	Area (km2)
Nov Sud Gallia	NSW	Sydney	8 193 500	809 952
Victoria	VIC	Melbourne	6 656 300	237 657
Queensland	QLD	Brisbane	5 354 800	1 851 736
West-Australia	WA	Perth	2 805 000	2 642 753
Sud-Australia	SA	Adelaide	1 828 700	1 044 353
Tasmania	TAS	Hobart	571 900	90 758

Territorias self-guvernant de Australia

Territoria	Postal abreviation	Capital cité	Population (2022)[1]	Area (km2)
Australian Capital Territoria	ACT	Canberra	459 000	2 358
Nord-Territoria	NT	Darwin	250 600	1 419 630

Altri territorias de Australia

Territoria	Capital cité	Population (2022)	Area (km2)
Insul Norfolk	Kingston	2 601	35
Insul de Crist-nascentie	Flying Fish Cove	1 938	135
Insules Cocos (Keeling)	West Island	547	14
Jervis Bay Territoria	N/A	405	67
Australian Antarctic Territoria	N/A	60 (ínpermanent)	5 896 500
Insules del Corallin Mare	N/A	4 (ínpermanent)	780 000 (includent mare)
Insul Heard e Insules McDonald	N/A	0	372
Insules Ashmore e Cartier	N/A	0	199