Annona
henero ti mulmula / From Wikipedia, the free encyclopedia
Ti Annona (manipud iti Taíno annon) ket ti henero dagiti agsabsabong a mula iti pamilia ti pawpaw/atis iti Annonaceae. Daytoy ti maikadua kadakkelan a henero iti pamilia kalpasan ti Guatteria,[3] nga aglaon kadagiti agarup a 166[4] a sebbangan a kaaduan iti neotropikal ken aprotropikal a kaykayo ken dagiti bassit a mula.[5] Ti kadawyan a nagan ket naala manipud iti anón, ti maysa a balikas ti Hispaniola a Taíno para iti bunga.[6] Dagiti paleoetnobotanikal a panagadal ket nangpetsado iti eksploitasion ket panangimuyong iti Annona iti rehion ti Karayan Yautepec ti Medicoto iti agarup a 1000 SK.[7] Daytoy ket addaan kadagiti nadumaduma a kadawyan a nagan, a mairaman ti Guanabana, ken guayabano.
Annona | |
---|---|
Annona squamosa | |
Annona muricata | |
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Magnoliids |
Urnos: | Magnoliales |
Pamilia: | Annonaceae |
Henero: | Annona L.[1] |
Sebbangan-kita | |
Annona muricata | |
Dagiti sebbangan | |
Sumagmamano a 100-150, kitaen ti teksto. | |
Kapada a nagan | |
Guanabanus Mill. |
Iti agdama, pito a sebbangan ti Annona ken maysa a hibrido ti naimulmula para iti komersial a panagusar, kaaduan para kadagiti naimas ken nataraon a bunga; dagiti dadduma pay a sabali ket agpataudda kadagiti makan a bunga.[8] Adu kadagiti sebbangan ket maus-usar a tradisional nga agas para iti panangagas kadagiti nadumaduma a sakit, ngem ti kasayaatda a kas agas ket saan pay a sientipiko a napatalgedan.