![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/76/Antarctic-seas-en.jpg/640px-Antarctic-seas-en.jpg&w=640&q=50)
Baybay Bellingshausen
From Wikipedia, the free encyclopedia
Ti Baybay Bellingshausen ket ti lugar iti igid ti laud a bangir ti Peninsula Antartiko, iti laud ti Isla Alexander, iti daya ti Rawis Flying Fish idiay Isla Thurston, ken abagatan ti Isla Pedro I (idiay ti akin-abagatan a Vostokkysten).[1] Iti abagatan, manipud iti laud aginggana iti daya, ti Aplaya Eights, Aplaya Bryan ken Aplaya Ingles (laud a parte) ti Laud nga Antartika. Iti laud ti Rawis Flying Fish ket tumipon ti Baybay Amundsen.
![Thumb image](http://upload.wikimedia.org/wikipedia/commons/thumb/7/76/Antarctic-seas-en.jpg/640px-Antarctic-seas-en.jpg)
Addaan iti kalawa ti Baybay Bellingshausen iti 487,000 km2 (188,000 sq mi) ken umabot iti kaadalem iti 4,470 metro (14,670 ft).[2]
Nakaala ti naganna daytoy ken ni Almiral Thaddeus Bellingshausen, nga isu ket nangsukisok iti lugar idi 1821.
Idi naladaw a Panawen ti Piloseno, idi agarup a 2.15 a riwriw a tawen iti napalabas, ti asteroid Eltanin ket nagtinnag ditoy. Daytoy laeng ti ammo a nakatnagan iti labneng ti naadalem a taaw iti lubong.[3]