siudad ti Hapon From Wikipedia, the free encyclopedia
Ti Eniwa (恵庭市, Eniwa-shi, Panangibalikas a Hapon: [eɲiɰa]) ket ti maysa a siudad iti Subprepektura ti Ishikari, Hokkaido, Hapon. Daytoy ket adda iti tanap ti Ishikari, iti 8 km iti amianan ti Chitose, ken 26 km iti abagatan ti kapitolio ti prepektura iti Sapporo. Daytoy ket mabalin a maabot babaen ti rota 36 ken ti Linia ti Perokaril ti Chitose. Ti ili ket nabingbingay kadagiti tallo a nangruna a lugar: ti Eniwa iti abagatan, ti Megumino iti tengnga, ken ti Shimamatsu iti amianan.
Eniwa | |
---|---|
Nagsasabtan: | |
Pagilian | Hapon |
Napundar | Nobiembre 1, 1970 |
Gobierno | |
• Daulo | Yutaka Harada |
Kalawa | |
• Dagup | 294.65 km2 (113.77 sq mi) |
Populasion (Disiembre 31, 2020)[2] | |
• Dagup | 70,102 |
• Densidad | 240/km2 (620/sq mi) |
Sona ti oras | UTC+09:00 |
Website | www |
Adu kadagiti talon a mabirukan iti likmut ti Eniwa, ken addaan pay kadagiti adu a negosio iti panagpataud, a mairaman ti paktoria ti Hokkaido iti Sapporo Brewery. Adda dagiti tallo a kampo ti Japan Ground Self-Defense Force iti siudad.
Ti populasion ti Eniwa idi 2012 iti 68,883 ket mangaramid daytoy a kas ti maikapat a kadakkelan a siudad iti Subprepektura ti Ishikari, ken ti maika-13 iti Hokkaido.
Naala ti nagan ti ili manipud iti asideg a Bantay Eniwa, iti Nailian a Parke ti Shikotsu-Tōya. Ti nagan iti Ainu iti e-en-iwa (エエンイワ), ket maipatarus a kas "natadem a bantay."[3] Ti nagan ket naitransliterado iti ateji a Hapon a kas nabendisionan a hardin. Napili ti Hapon a transliterasion gapu kadagiti homonimo a niwa (庭, "hardin") ken niwa (二輪, "dua a singsing"), ti naudi a naibaga ket mangibagbaga kadagiti dua a karayan a lumabas iti uneg ti siudad, ti Karayan Shimamatsu ken ti Karayan Izari, ken ti pay "benbendision" (恵, e) a pagbaetan dagiti dua a karayan.[4]
Ti Eniwa ket addaan kadagiti dua a kabsat a siudad:[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.