Luek Baffin

Ti Luek Baffin (Inuktitut: Saknirutiak Imanga,^[3] Pranses: Baie de Baffin) ket mabirukan idiay pagbaetan ti Isla Baffin ken ti abagatan a laud nga aplaya ti Greenland. Daytoy ket pingir a baybay iti Amianan a Taaw Atlantiko.^[1][2][4] Daytoy ket naikapet iti Atlantiko babaen ti Lingsat Davis ken ti Baybay Labrador. Ti ak-akikid a Lingsat Nares ket ikapetna ti Luek Baffin iti Taaw Artiko.

Luek Baffin
Nagsasabtan	73°N 67°W
Kadakkelan a kaatiddog	1,450 km (901 mi)
Kadakkelan a kaakaba	110–650 km (68–404 mi)
Kalawa ti rabaw	689,000 km2 (266,000 sq mi)
Agpakatengnga a kaadalem	861 m (2,825 ft)
Kaadaleman	2,136 m (7,008 ft)
Tomo ti danum	593,000 km3 (142,300 cu mi)
Dagiti nagibasaran	[1][2]

Ti lugar ti luek ket natagtagitao manipud idi 500 BC babaen dagiti Dorset ken kalpasanna dagiti tattao a Thule ken Inuit. Daytoy ket naabot babaen dagiti Europeano idi 1585 ken naisalaysayan a naipalawag idi 1616 babaen ni William Baffin, nga isu ti nakainaganan ti luek ken ti isla. Ti luek ket saan a malayag iti kaaduan a paset ti tawen gapu ta naabongan iti ken ti napuskol a densidad ti tumtumpaw a yelo ken dagiti iceberg kadagiti nawaya a luglugar. Nupay kasta,ti polinia iti agarup a 80,000 km² (31,000 sq mi), nga ammo a kas ti Amianan a Danum, ket malukatan iti kalgaw iti amianan iti asideg ti Smith Sound.^[5] Kaaduan kadagiti biag ti danum iti luek ket konsentrado idiay asideg iti dayta a rehion.

Dagiti nagibasaran

1. Luek Baffin Naiyarkibo 2013-05-13 iti Wayback Machine, Nalatak nga Ensiklopedia ti Sobiet (iti Ruso)
2. Luek Baffin, Encyclopædia Britannica on-line
3. Luek Baffin Naiyarkibo 2012-04-26 iti Wayback Machine. Wissenladen.de. Naala idi 2013-03-22.
4. Reddy, M. P. M. (2001). Descriptive Physical Oceanography. Taylor & Francis. p. 8. ISBN 978-90-5410-706-4. Naala idi 26 Nobiembre 2010.
5. Circulation and generation of the North Water Polynya, Northern Baffin Bay. (PDF) . Naala idi 2013-03-22.