Masna a Monumento ti Timpoong ken Hibok-Hibok
masna a monumento ti Filipinas / From Wikipedia, the free encyclopedia
Ti Masna a Monumento ti Timpoong ken Hibok-Hibok ket ti maysa a masna a monumento iti Filipinas a mabirukan idiay Akin-amianan a Mindanao iti isla ti Camiguin. Daytoy ket buklen dagiti dua a napintas a bulkan iti kabambantayan ti Camiguin Mindanao a gumay-at iti bugas ti Camiguin: ti Bantay Mambajao, a mangiraman iti Bantay Timpoong, ti kangatuan a pantokna, ken ti Bantay Catarman, a mangiraman iti Bantay Hibok-Hibok, ti kaikaisuna nga agdama nga aktibo a bulkan iti isla.[1] Nabangon idi 2004 babaen ti Proklamasion Blng. 570 nga impaay babaen ni Presidente Gloria Arroyo, ti masna a monumento ket maysa a nangruna a taudan ti danum nga aglaon ti kaikaisuna a nabati a katudian a bakir iti Camiguin.[2] Daytoy ket mangsuporta iti nadumaduma nga endemiko a flora ken fauna ken ammo pay kadagiti dissuorna, dagiti karayan ken dagiti ubbog.[1]
Masna a Monumento ti Timpoong ken Hibok-Hibok | |
---|---|
Kategoria III ti IUCN (natural a monumento wenno langa) | |
Lokasion | Camiguin, Filipinas |
Kaasitgan a siudad | Cagayan de Oro |
Nagsasabtan | 9°10′21″N 124°43′24″E |
Kalawa | 2,227.62 ektaria (5,504.6 acre) |
Nabangon | Marso 9, 2004 |
Mangituray a bagi | Departamento ti Enbironmento ken dagiti Masna a Rekurso |
Idi las-ud ti maika-13 a Ministerial a Miting iti Enbironmento ti ASEAN idi 2015, ti monumento ti Timpoong ken Hibok-Hibok ket pormal a nairangarang a kas maysa a Tawid a Parke ti ASEAN.[3]