siudad ti Zacatecas, Mehiko From Wikipedia, the free encyclopedia
Ti Zacatecas (Panangibalikas nga Espaniol: [sakaˈtekas]) ket maysa a siudad ken munisipalidad idiay Mehiko, ken ti kapitolio ken kadakkelan a siudad ti estado ti Zacatecas. Mabirukan daytoy idiay amianan-tengnga a Mehiko,[2] ti siudad ket nangrugi a kas kampo ti pagminaan ti Espaniol idi tengnga ti maika-16 a siglo. Ammo idin dagiti Patubo nga Amerikano dagiti nabaknang a deposito ti lugar iti pirak ken dadduma a mineral. Gapu ti baknang a maited dagiti mina, ti Zacatecas ket napardas a nagbalin a maysa kadagiti nangruna a siudad ti Baro nga Espania, a kaaduan kadagiti pirakna ket nangpabaknang iti balangat ti Espaniol. Ti lugar ket nakakita kadagiti bakalan idi las-ud ti nariri a maika-19 a siglo, ngem ti simmaruno a nangruna a pasamak ket ti Gubat ti Zacatecas idi las-ud ti Yaalsa ti Mehikano idi tiniliw ni Francisco Villa ti ili, ti maysa a pasamak a maramrambakan pay iti tunggal nga anibersariona. Ita nga aldaw, ti kolonial a parte ti siudad ket maysa a Lugar a Tawid ti Lubong, gapu ti Baroko ken dagiti dadduma nga estruktura a nabangon idi las-ud dagiti aldaw ti panagminminana. Agtultuloy pay laeng a nangruna nga industria ti panagmina.[3] Ti nagan a Zacatecas ket naala manipud iti tattao a Zacateco ken nagtaud manipud iti pagsasao a Nahuatl. Ti kayat a sawen ti nagan ket "tattao dagiti karuotan."[4]
Zacatecas | |
---|---|
Lokalidad ti Mehiko | |
Nagsasabtan: | |
Pagilian | Mehiko |
Kalawa | |
• Dagup | 356.14 km2 (137.51 sq mi) |
Kangato | 2,440 m (8,010 ft) |
Populasion (2010)[1] | |
• Dagup | 122,889 |
• Densidad | 350/km2 (890/sq mi) |
Sona ti oras | UTC−06:00 |
Kodigo ti koreo | 98000 |
Kodigo ti lugar | 492-xx-xxx-xx |
Website | www |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.