Astana

Ti Astana (Kasaho: Астана, Astana; Ruso: Астана) ket ti kapitolio a siudad ti Kazakhstan. Daytoy ket mabirukan iti igid ti Karayan Ishim iti akin-amianan a paset ti Kazakhstan, iti kaunegan ti Rehion ti Akmola, ngem naisina a maadministro manipud iti rehion kas maysa a siudad nga addaan iti espesial a kasasaad. Ti maysa nga opisial a karkulo idi 2022 ket nangireporta ti populasion iti 1 350 228 iti kaunegan dagiti patingga ti siudad, a mangaramid daytoy iti maikadua a kadakeklan a siudad iti Kazakhstan, kalpsan ti Almaty, ti kapitolio manipud idi 1991 aginggana idi 1997.^[2]

Astana Астана Astana
Kapitolio
Wagayway
Astana Lokasion ti Nur-Sultan idiay Kazakhstan Ipakita ti mapa ti Kazakhstan Astana Astana (Asia) Ipakita ti mapa ti Asia
Nagsasabtan: 51°10′N 71°26′E
Pagilian	Kazakhstan
Napundar	1830 (kas Akmoly)[1]
Gobierno
• Kita	Mayor–Konseho
• Bagi	Konseho ti siudad ti Nur-Sultan
• Mayor	Altay Kulginov
Kalawa
• Kapitolio	810.2 km2 (312.8 sq mi)
Kangato	347 m (1,138 ft)
Populasion  (2022)[2]
• Kapitolio	1 350 228
• Metro [3]	1,200,000
Sona ti oras	UTC+6 (ALMT)
Kodigo ti koreo	010000–010015[4]
Kodigo ti lugar	+7 7172[5]
ISO 3166-2	AST[6]
Plata ti lisensia	01, Z
Website	Opisial a website

Napundar idi 1830 a kas pagtaengan ti Akmoly (Kasaho: Ақмолы) wenno Akmolinsky prikaz (Ruso: Акмолинский приказ), daytoy ket nagserbi idi a pagsammakedan para dagiti Kosako ti Siberia. Idi 1832, ti pagtaengan ket naikkan iti kasasaad iti ken nanaganan manen iti Akmolinsk (Ruso: Акмолинск). Idi 20 Marso 1961, ti siudad ket nanaganan manen iti Tselinograd (Ruso: Целиноград) tapno mamarkaan ti ebolusion ti siudad a kas sentro ti kultura ken administrasion ti Kampania dagiti Birhen a Dagdaga. Idi 1992, daytoy ket nanaganan manen iti Akmola (Kasaho: Ақмола), ti nabaliwan a kasisigud a nagan a kayatna a sawen ket "ti puraw a tabon". Idi 10 Disiembre 1997, sinukatan ti Akmola ti Almaty tapno agbalin a kapitolio ti Kazakhstan. Idi 6 Mayo 1998, daytoy ket nanaganan manen iti Astana, a ti kayatna a sawen ket "ti kapitolio" iti pagsasao a Kasaho.

Ti Astana ket maysa a naplano a siudad, kas ti Brasilia idiay Brasil, Canberra idiay Australia ken Washington, D.C. idiay Estados Unidos.^[7] Ti master a plano ti Astana ket dinisenio idi babaen ni Kisho Kurokawa ti Hapon nga arkitekto.^[7] Kas tugaw ti Gobierno ti Kazakhstan, ti Astana ket isu ti lugar ti Kamara ti Parlamento, ti Korte Suprema, ti Palasio ti Presidente ti Ak Orda ken dagiti nadumaduma a departamento ken ahensia ti gobierno. Daytoy ket ayan dagiti adu puturistiko a pasdek, dagiti hotel ken dagiti skyscraper.^[8][9][10] Ti Astana ket isu ti sentro ti isport, ket naisaad a mangsangaili ti Expo 2017. Ti Astana ket addaan pay kadagiti adu a pagaywanan iti salun-at ken dagiti sistema ti edukasion.