Bali
probinsia ti Indonesia From Wikipedia, the free encyclopedia
Remove ads
Ti Bali (Balines: ᬩᬮᬶ, Indones: Pulau Bali, Provinsi Bali) ket ti maysa nga isla a probinsia ti Indonesia nga addaan iti kaaduan a populasion iti Hindu. Ti probinsia ket mangiraman ti isla ti Bali ken dagiti pay babassit a kaarruba nga isla, a naipangpangruna ti Nusa Penida, Nusa Lembongan ken Nusa Ceningan. Daytoy ket mabirukan iti akinlaud unay a patingga ti Is-isla Basbassit a Sunda, a mabirukan ti Java iti laud ken ti Lombok iti daya. Ti kapitoliona ket ti Denpasar ken mabirukan daytoy iti akin-abagatan a parte ti isla.
.svg)
Iti populasion iti 3,890,757 iti senso idi 2010,[1] ken 4,225,000 manipud idi Enero 2014,[2] ti isla ket ayan ti kaaduan a minoridad a Hindu ti Indonesia. Segun ti senso idi 2010, 83.5% ti populasion ti Bali ket agraraem iti Balines a Hinduismo,[3] sarunean babaen ti 13.4% Muslim, Kristianidad iti 2.5% ken Budismo 0.5%.[4]
Ti Bali ket popular a papanan dagiti turista, ken nakakita daytoyen iti iyaadu kadagiti turista manipud kadagiti tawen ti 1980.[5] Dagiti mainaig iti turismo a negosio ket mangbukel iti 80% iti ekonomiana.[6] Daytoy ket ammo para iti nasayaat a naparang-ay nga artena, a mairaman ti tradisional ken moderno a sala, eskultura, pinintaan, lalat, panagobra iti metal ken musika. Ti Internasional a Piesta ti Pelikula ti Indonesia ket tinengtengngel iti tinawen idiay Bali. Idi Marso 2017, ninaganan ti TripAdvisor ti Bali a kas ti kasayaatan a papanan iti bukodna a gunguna iti Traveller's Choice.[7]
Ti Bali ket parte ti Tranggulo ti Korales, ti lugar nga addaan iti kangatuan iti biodibersidad dagiti sebbangan ti baybay.[8] Iti daytoy laeng a lugar, sumurok a 500 nga agparpartuat iti raw-ang a sebbangan ti korales ti mabirukan ditoy. Para iti panangiyasping, daytoy ket agarup a mamin 7 nga ad-adu ngem ti intero a Karibe.[9] Iti kaudian, ti Bali ket nangsangaili iti ASEAN Summit idi 2011, ti 2013 APEC ken Miss World 2013. Ti Bali ket ayan ti sistema ti panagsibgo ti Subak, ti maysa a Lugar a Tawid ti Lubong ti UNESCO .[10] Daytoy ket ayan pay ti naikaykaysa a kompederasion dagiti pagarian a mangbukel kadagiti 10 a tradisional a naarian a Balines a babbalay, nga iti tunggal maysa a balay ket mangituray iti naisangayan a heograpiko a lugar. Ti kompederasion ket isu ti nagsukat ti Pagarian ti Bali.[11] Dagiti naarian a balay ket saan a bigbigen babaen ti gobierno ti Indonesia; nupay kasta, naipatpatarayen dagitoy manipud idi napundarda sakbay ti kolonisasion ti Olanda.[12]
Remove ads
Dagiti nagibasaran
Bibliograpia
Adu pay a mabasbasa
Dagiti akinruar a silpo
Wikiwand - on
Seamless Wikipedia browsing. On steroids.
Remove ads