Baro a Guinea

Ti Baro a Guinea (ammo pay a kas Tok Pisin: Niugini, Olandes: Nieuw-Guinea, ken Indones: Papua; historikal: Irian/ Irian Jaya) ket ti dakkel nga isla idiay abagatan a laud ti Taaw Pasipiko. Daytoy ti maikadua a kadakkelan nga isla iti lubong, kalpasan ti Greenland, ken sakupenna ti kalawa iti daga ti 786,000 km².

Baro a Guinea
(Isla Papua)

Heograpia
Lokasion	Melanesia
Nagsasabtan	5°30′S 141°00′E
Purpuro	Purpuro Malayo
Kalawa	786,000 km2 (303,000 sq mi)
Ranggo ti kalawa	Maika-2
Kangatuan nga elebasion	4,884 m (16024 ft)
Kangatuan a punto	Puncak Jaya
Administrasion
Indonesia
Dagiti probinsia	Papua laud a Papua
Kadakkelan a pagtaengan	Jayapura
Papua Baro a Guinea
Dagiti probinsia	Sentral Simbu Akindaya a Nangato a Dagdaga Daya a Sepik Enga Golpo Hela Jiwaka Madang Morobe Oro Akin-abagatan a Nagato a Dagdaga Akinlaud Akinlaud a Nangato a Dagdaga Laud a Sepik Luek Milne Nailian a Kapitolio a Distrito
Kadakkelan a pagtaengan	Puerto Moresby
Demograpia
Populasion	~ 11,306,940 (2014)
Densidad ti populasion	14/km2 (36/sq mi)
Grupgrupo ti etniko	Papua ken Austronesio

Heograpia

Ti Baro a Guinea ket maysa nga isla idiay amianan ti kontinente ti Australia. Daytoy ket insalumina babaen ti Baybay Arafura iti laud ken ti Lingsat Torres ken ti Baybay Coral iti daya. Sagpaminsan pay a naikedkeddeng a ti akindaya unay nga isla ti Purpuro Malayo, daytoy ket mabirukan iti amianan ti Top End ti Australia, Golpo ti Carpentaria ken ti Peninsula Rawis York, ken laud ti Purpuro Bismarck ken ti Purpuro ti Is-isla Solomon.