Carl David Anderson

Ni Carl David Anderson (Septiembre 3, 1905 – Enero 11, 1991) ket Amerikano idi a pisiko. Isu ket kaaduan nga ammo para iti panagduktalna iti positron idi 1932, ti maysa a nagun-od a nakagungunaanna iti Premio Nobel iti Pisika idi 1936, ken iti muon idi 1936.

Carl David Anderson
Ni Anderson idi 1937
Nayanak	(1905-09-03)Septiembre 3, 1905 Siudad ti New York, New York, Estados Unidos
Natay	Enero 11, 1991(1991-01-11) (tawen 85) San Marino, California, Estados Unidos
Pakipagilian	Estados Unidos
Alma mater	California Institute of Technology (B.S. ken Ph.D)
Nakaam-ammuan	Panagduktal ti positron Panagduktal ti muon
Dagiti gungguna	Premio Nobel iti Pisika (1936) Medalia Elliott Cresson (1937)
Sientipiko a pagsapulan
Dagiti pagobraan	Pisika
Dagiti patakder	California Institute of Technology
Dagiti nangruna nga estudiante	Donald A. Glaser Seth Neddermeyer

Biograpia

Naipasngay idi ni Anderson idiay Siudad ti New York, ti anak a lalaki dagiti Sueko nga imigrante. Isu ket nagadal iti pisika ken inhenieria idiay Caltech (B.S., 1927; Ph.D., 1930). Babaen ti superbision ni Robert A. Millikan, isuket nangrugi iti panagsukisok kadagiti raya ti kosmiko nga iti las-ud ti kurso ket nakaduktal kadagiti saan a nanamnama a tugot ti partikula kadagiti (dagiti moderno a bersion ket makunkuna ita a kas ti maysa nga Anderson) ladawan ti kamara ti ulep nga isu ket husto a nangiyulog a pinartuat daytoy babaen ti partikula nga addaan iti kapada a masa a kas ti elektron, ngem agkasungani nga elektrikal a karga. Daytoy a panagduktal, a nairangarang idi 1932 ken kalpasanna ket pinasingkedan met dagiti dadduma, ket nagpasingked ti teoretikal a padto ni Paul Dirac ti kaadda ti positron. Immuna a naduktalan ni Anderson dagiti partikula kadagiti raya ti kosmiko. Kalpasanna isu ket nagpataud iti ad-adu pay a napasingkedan a paneknek babaen ti panangipunta kadagiti raya ti gamma a pinataud babaen ti masna a radiaktibo a nuklido ti ThC'' (²⁰⁸Tl)^[1] kadagiti sabali a material, a nagresultaan ti pannakapartuat kadagiti paris ti positron-elektron. Para iti daytoy nga obra, nakibinningay ni Anderson ti Premio Nobel iti Pisika idi 1936 kenni Victor Hess.^[2]

Idi pay 1936, ni Anderson ken ni Seth Neddermeyer, ti immuna a graduado nga estudiantena, ket naduktalanda ti muon (wenno 'mu-meson', a kas ammo idi kadagiti adu a tawen), ti subatomiko a partikula a 207 a beses a dakdakkel ngem ti elektron, ngem addaan met iti kapada a negatibo a karga ti elektriko ken agtayyek iti 1/2 a kas ti elektron, kadagiti manen raya ti kosmiko. Ni Anderson ken Neddermeyer ket immunada a namatmati a ti nakitada ket ti pion, ti partikula a naisingasing nga adda babaen ni Hideki Yukawa iti teoriana iti napigsa nga inter-aksion. Idi nalawagan a ti nakita ni Anderson ket saan idi a ti pion, ti pisiko a ni I. I. Rabi, ket nariro no kasano a maiyanay ti saan a namamnama a naduktalan iti ania man a lohikal nga isbangan iti pisika ti partikula, ken nagsalsaludsod no "Sino ti nagbilin dayta?". Ti muon ket mays idi kadagiti immuna iti atiddog a listaan dagiti subatomiko a partikula a ti pannakaduktalna ket nangkasdaaw kadagiti teoretiko a saan a nakaawat no kasano a mangiyanay ti nariro iti nadalus ken konseptual nga isbangan. Ni Willis Lamb, iti lekturana iti Premio Nobel ti 1955, ket nangang-angay a nangegna a naibagbaga a "ti makabiruk iti baro nga elementari a partikulo ket magungunaan idi iti Premio Nobel, ngem iti kasta a panagduktal ket nasken koma a madusa babaen iti multa iti 10,000 a doliar." ^[3]

Dagiti pablaak

• C.D. Anderson (1933). "The Positive Electron". Physical Review. 43 (6): 491. Bibcode:1933PhRv...43..491A. doi:10.1103/PhysRev.43.491.
• C.D. Anderson (1932). "The Apparent Existence of Easily Deflectable Positives". Science. 76 (1967): 238–9. Bibcode:1932Sci....76..238A. doi:10.1126/science.76.1967.238. PMID 17731542.
• C.D. Anderson (1957), Technical adviser to The Strange Case of the Cosmic Rays, Bell System Science Film, Directed by Frank Capra, Frank Capra Productions.