Doha

Ti Doha (Arabiko: الدوحة‎, ad-Dawḥa wenno ad-Dōḥa, panangibalikas [adˈdawħa], literal: "ti dakkel a kayo") ket ti kapitolio a siudad ti Katar ken mabirukan idiay aplaya ti Golpo Persiano, daytoy ket addaan iti populasion ti 796,947 in 2010.^[1] Ti Doha ket ti kadakkelan a siudad ti Katar, nga addaan iti sumurok a 60% iti populasion ti pagilian ket agtataeng idiay Doha wenno dagiti nangpalikmut a suburbona, adaytoy pay ti sentro ti ekonomia ti pagilian. Daytoy ket maysa pay kadagiti ili ti Katar.

Doha,Katar الدوحة‎ ad-Dawḥa
Siudad ken Munisipalidad
Ti puseg ti ili ti Doha iti rabii.
Parbo a nagan:  Dohano, Dohaniano, Dohaite, Taga-Doha
Lokasion ti ili ti Doha iti uneg ti Katar.
Nagsasabtan: 25°17′12″N 51°32′0″E
Pagilian	Katar
Munisipalidad	Ad Dawhah
Pannakabangon	1825
Kalawa
• Siudad	132 km2 (51 sq mi)
Populasion  (2010)[1]
• Siudad	796,947
• Densidad	6,000/km2 (16,000/sq mi)
Sona ti oras	UTC+3 (AST)

Ti Doha ket agserbi pay a kas tugaw ti gobierno ti Katar. Ti Doha ket ayan ti Siudad ti Edukasion, ti maysa a lugar a nairegget iti panagsukisok ken edukasion.^[2]

Ti siudad ket mangsangaili ti Unibersidad ti Qatar ken kasta met ti kampus ti eskuelaan ti negosio ti HEC Paris.