EPPO Code
panangilasin babaen ti European and Mediterranean Plant Protection Organization (EPPO), tapno naisangayan a mailasin dagiti mula, peste ken patoheno a nangruna iti agrikultura From Wikipedia, the free encyclopedia
Remove ads
Ti maysa nga EPPO code (kodigo ti EPPO), dati nga ammo a kas Bayer code, ket ti maysa a naikodigo a pangilasin nga inus-usar babaen ti European and Mediterranean Plant Protection Organization (EPPO), iti maysa a sistema a naidesinio tapno naisangayan a mailasin dagiti organismo – kas dagiti mula, peste ken dagiti patoheno – a nangruna iti agrikultura ken panagsalaknib iti apit. Dagiti kodigo ti EPPO ket dagiti bugas a komponente iti maysa a database dagiti nagan, iti sientipiko ken bernakular. Uray no kasisigud nga inrugi babaen ti Bayer Corporation, ti opisial a listaan dagiti kodigo ket tinartaripato itan babaen ti EPPO.[1]
Remove ads
Database ti kodigo ti EPPO
Amin dagiti kodigo ken dagiti mainaig a nagnaganda ket mairaman iti database (EPPO Global Database). Iti dagup, adda dagiti sumurok a 68,500 a sebbangan a nailista iti database ti EPPO, a mairaman dagiti:[2]
- 36,000 a sebbangan dagiti mula (kas dagiti naimuyong, dagiti atap a mula ken dagiti dakes a ruot)
- 24,000 a sebbangan dagiti ayup (kas dagiti insekto, dagiti kagaw, dagiti nematoda, dagiti rodensia), dagiti ahente ti biocontrol
- 8,500 a sebbangan dagiti mikroorganismo (kas dagiti bakteria, fungi, dagiti birus, dagiti viroid ken dagiti kapada ti birus)
Mailasin dagiti mula babaen ti lima-letra a kodigo, dagiti sabali nga organismo ket babaen ti innem-letra a kodigo. Kadagiti adu a kaso ti kodigo ket mnemoniko a pangyabaan ti sientipiko a nagan iti organismo, a naiyaon manipud iti umuna kadagiti tallo wenno uppat a letra iti henero ken ti umuna kadagiti dua a letra iti sebbangan.[3] Kas pagarigan, ti mais (Zea mays), ket naikeddeng iti kodigo iti "ZEAMA"; ti kodigo para iti peste ti patatas (Phytophthora infestans) ket "PHYTIN". Ti naisangayan ken natalinaay a kodigo para iti tunggal maysa nga organismo ket mangited iti maysa a pamay-ay iti ababa a panangisurat iti pannagirehistro ti sebbangan. Mangliklik ti kodigo ti EPPO kadagiti adu a problema a pinataud babaen dagiti rebision dagiti sientipiko a nagan ken taksonomia a masansan a pagresultaan dagiti sabali a sinonimo a maus-usar para kadagiti agpapada a sebbangan. No agbaliw ti taksonomia, agtalinaay ti kodigo ti EPPO.[3] Ti sistema ti EPPO ket inus-usar babaen dagiti gunglo ti gobierno, dagiti ahensia ti konserbasion, ken dagiti agsuksukisok.[4][5]
Pagarigan
Remove ads
Dagiti akinruar a silpo
Dagiti nagibasaran
Wikiwand - on
Seamless Wikipedia browsing. On steroids.
Remove ads