Gaertnera

Ti Gaertnera ket ti henero dagiti agsabsabong a mula iti pamilia ti Rubiaceae. Adda dagiti saan a basbassit ngem 85 a sebbangan a naiwarwaras iti ballasiw kadagiti tropiko ti Daan a Lubong manipud iti Aprika aginggana iti Asia.^[2]

Gaertnera
Gaertnera vaginata
Taksonomia
Pagarian:	Plantae
(di nairanggo):	Angiospermae
(di nairanggo):	Eudicotidae
(di nairanggo):	Asterids
Urnos:	Gentianales
Pamilia:	Rubiaceae
Henero:	Gaertnera Lam.[1]
Kapada a nagan
Aetheonema Rchb. Andersonia Willd. ex Schult. Fructesca DC. ex Meisn. Hymenocnemis Hook.f. Pristidia Thwaites Sykesia Arn.

Dagiti mula iti daytoy a henero ket agdumaduma iti langa ken biolohia. Kaaduan ket rehional nga endemiko, dagiti mula ket limitado iti maysa a heograpiko a lugar ken akikid a naampon kadagiti lokal a kondision.^[3][4] Kaaduan ket agtubo iti nadam-eg a habitat ti bakir.^[2]

Dagitoy ket kadawyan a natarikayo a mula nga agraman kadagiti rimpuok dagiti puraw , derosas, wenno nalabbasit a sabong ken purpura-nangist a bungbunga. Adda dagiti sumagmamano a sebbangan a distylous, nga agraman kadagiti mula nga addaan iti maysa wenno dua a morph a sabong. Dagiti sabali ket dioecious, nga agraman kadagiti mula nga addaan iti lalaki wenno babai a sabsabong. Dagiti dioecious a sebbangan ket kadawyanda a mabirukan iti Abagatan a daya nga Asia.^[2]

Dagiti sebbangan ket mairaman dagiti sumaganad:

• Gaertnera hirtiflora Verdc.
• Gaertnera longifolia Bojer
• Gaertnera rosea Thwaites ex Benth.
• Gaertnera ternifolia Thwaites
• Gaertnera truncata A.DC
• Gaertnera walkeri Wight