Ho Jong-suk

Ni Ho Jong-suk (Koreano: 허정숙; Hanja: 許貞淑; RR: Heo Jeong-suk; MR: Hŏ Chŏng-suk; HUlio 16, 1908 – Hunio 5, 1991) ket maysa idi a Koreana nga aktibista iti wayawaya, mannurat, periodista, ken komunista. Ti pudno idi a naganna ket Jongja (정자; 貞子).^[1]

Ho Jong-suk
1930
Nayanak	Ho Jong-ja (1908-07-16)Hulio 16, 1908 Seoul, Korea
Natay	Hunio 5, 1991(1991-06-05) (tawen 82) Pyongyang, Amianan a Korea
Trabaho	Aktibista iti wayawaya
Partido ti politika	Partido Komunista ti Korea
Nagan a Koreano
Chosŏn'gŭl	허정숙
Hancha	許貞淑
Napabaro a Romanisasion	Heo Jeongsuk
McCune–Reischauer	Hŏ Chŏngsuk
Pammadayaw a nagan
Chosŏn'gŭl	정자
Hancha	貞子
Napabaro a Romanisasion	Jeongja
McCune–Reischauer	Chŏngja

Kameng isuna idi ti Singanhoe, Geunwoohoe ken ti Partido Komunista ti Korea ken maysa pay a nasapa a Koreana nga aktibista iti karbengan ti babbai.

Biag

Kadagiti nasapa panawenna, napan ni Ho idiay Hapon tapno agadal idiay Eskuela ti Kwansei iti Tokyo. Kanungpalan a pimmanaw ken kadagiti simmarunoa panawen napan ni Ho idiay Tsina nga idiay ket naikkan idi iti serrekan iti Ganganaet a Nangato nga Eskuela ti Shanghai ken isu met ti nagturposanna.^[2] Kalpasanna nagsubli met iti bukodna pagilian. Idi 1921, nakibinglay isuna iti tignay ti babbai ken timmipon iti Partido Komunista ti Korea.

Iti dayta a panawen, inkeddeng ti Gobierno ti Hapon-Heneral ti Korea a di legado ti Partido Komunista. Nangliklik isuna iti pannakaidadanes iti pannakibinglay iti Partido Komunista. Kanungpalanna idi 1924, naipayammo isuna iti Internasional nga Aldaw ti Babbai, iti Marso 1925, napan isuna iti pasamak ti Aldaw ti Babbai idiay Seoul. Idi 1927 isuna ket maysa idi a nagpundar a kameng ti Geunwoohoi ken nakibinglay pay iti Singanhoe (신간회).^[3]

Nagay-ayat pay ni Ho iti "Unrelated Love and Sex". Nakondenar ti kapanunotanna iti kangimongan a Koreano gapu ta iti dayta a panawen, dagiti tidda iti pundamentalismo a Konpusianismo ket nagtultuloy kadagiti amin a paset ti Korea.

Idi 1936, napan isuna idiay Tsina nga idiay ket nakibinglay iti Nailian a Partido Rebolusionario ti Korea (조선민족혁명당).^[2] Idi 1938, napan isuna idiay Hebei, nakibinglay iti Pagkakadduan iti Napili a Wayawaya, ti maysa a kontra Hapon Koreano a Grupo ti resistansia.^[2] Idi 1945, napan isuna idiay Seoul ngem pimmanaw ken napan idiay Amianan a Korea tapno maliklik iti terorismo iti payak a kanawan. Nakibinglay isuna idi 1948 iti gobierno ti Amianan a Korea.

Nagserbi ni Ho a kas ti Pangulo ti Hustisia iti Kangatuan a Korte ti Amianan a Korea idi baetan ti 28 Oktubre 1959 ken 1960.^[4][5]

Bibliograpia

Ni Ho Jong-suk idi 1945

• In Grace Lover (은혜로운 사랑 속에서)
• Democraticism founder days (민주건국의 나날에)
• Historical rememories of great loves (위대한 사랑의 력사를 되새기며)

Kitaen pay

• Hwang Jini
• Heo Nanseolheon
• Na Hye-sok
• Shin Saimdang