Hesse

Ti Hesse /ˈhɛs/ wenno Hessia (Aleman: Hessen [ˈhɛsən], Hesse a dialekto: Hesse [ˈhɛzə]) ket kultural a rehion ti Alemania ken nagan ti estado ti Alemania.

• Ti kultural a rehion ti Hesse ket mangiraman ti Estado ti Hesse ken ti lugar a tinawtawagan ti Rhenish Hesse (Rheinhessen) iti kaarrubana nga estado ti Renania-Palatinado . Ti kaduogan a siudad ti kultural a rehion ti Hesse, Mainz, ket adda idiay Rhenish Hesse.
• Ti Estado ti Hesse (Aleman: Land Hessen, literal a kaibuksilan ti "Pagilian ti Hesse") ket paset ti dakdakkel a kultural a rehion. Daytoy ket adda ti kalawa iti 21,110 km² (8,150 sq mi) ken gangani a sumurok ti innem a riwriw nga agtataeng. Ti kapitoliona ket ti Wiesbaden. Ti kadakkelan a siudad ti Hesse ket ti Frankfurt am Main.

Hessen Hessen
Estado ti Alemania
Wagayway Eskudo
Nagsasabtan: 50°39′58″N 8°35′28″E
Pagilian	Alemania
Gobierno
• Ministro-Presidente	(CDU)
• Dagiti agturturay a partido	CDU / FDP
• Dagiti butos idiay Bundesrat	5 (iti 69)
Kalawa
• Dagup	21,100 km2 (8,100 sq mi)
Populasion  (2020-12-31)[1]
• Dagup	6,293,154
• Densidad	300/km2 (770/sq mi)
Sona ti oras	UTC+1 (CET)
• Kalgaw (DST)	UTC+2 (CEST)
Kodigo ti ISO 3166	DE-HE
GDP/ Nominal	€263/ $292 bilion (2015) [2]
GDP tunggal maysa a tao	€43,000/ $48,000 (2015)
NUTS a Rehion	DE7
Website	www.hessen.de

Ti nagan a "Hesse" ket nagtaud manipud ti Hesse a dialekto. Ti sabali pay a nagan a "Hessia" ket nagtaud manipud ti mediebal a Latin ti Hassia. Ti Aleman a termino a Hessen ket inus-usar babaen ti Europeano a Komision gapu kadagit annurotenda a saan nga ipatarus dagiti nagnagan ti rehion (parapo 1.31 & 1.35).^[3] Ti termino a "Hesse" ket nanunpalan a nagtaud manipuds ti Hermaniko a tribu a tinawtawagan ti Chatti, a nagtataeng iti rehion idi umuna a siglo B.C.