James Dean

Ni James Byron Dean (Pebrero 8, 1931 – Septiembre 30, 1955) ket maysa idi nga Amerikano nga aktor.^[8] Isu ket simbolo ti kultura ti pannakaalliaw dagiti agtutubo ken pannakaisina iti sosial, kas naiyebkas iti titulo ti kaaduan a narambakan apelikula ti Rebel Without a Cause (1955), nga isu ket nagbida a kas ni Jim Stark ti nariro nga agtutubo. Dagiti pay dua a sabali a papelna a nagiladawan iti kalatakna iti pelikula ket ti nagmaymaysa a ni Cal Trask iti East of Eden (1955) ken ti nakarit a katulong iti rantso a ni Jett Rink iti Giant (1956). Ti napaut a dayaw ni Dean ken ti popularidadna ket naibatay kadagiti panangiladladawanna kadagitoy a tallo a pelikula.

James Dean
Ni James Dean
Dagiti salaysay
Nayanak	James Byron Dean  Pebrero 8, 1931  [1][2][3][4][5][6][7] Marion
Natay	Septiembre 30, 1955  (tawen 24) [1][2][3][4][5][6][7] Cholame
Gapu iti pannakatay	Car collision
Trabaho	Aktor ti pelikula, aktor ti telebision, aktor ti teatro, racing automobile driver, aktor
Nagannak	Winton Dean  Mildred Marie Wilson
Dagiti gunguna	Theatre World Award
Pirma
Website
http://www.jamesdean.com/

Ti prematura nga ipupusay ni Dean iti pannakaidungpar ti karro ket nagsemento iti naisalaysayan a kasasaadna.^[9] Isu ti immuna nga aktor ti nakaawat idi natayen iti nominasion ti Gunguna ti Akademia para iti Kalaingan nga Aktor, ken agtultuloy nga isu laeng ti aktor nga addaan kadagiti dua a nominasion a kas aktor idi nataydan.^[10] Idi 1999, inranggo ti American Film Institute isuna kas ti maika-18 a kalaingan a lalaki nga aktor iti sine iti Nabalitokan a Panawen ti Hollywood iti listaan ti AFI's 100 Years...100 Stars.^[11]