Kadua

Ti Kadua ket ti henero dagiti agsabsabong a mula iti pamilia ti Rubiaceae. Daytoy ket buklen dagiti 29 a sebbangan,^[1] amin ket maigawid iti Polinesia. Duapulo ket dua kadagitoy ket endemiko iti Is-isla Hawaii. Sumagmamano kadagiti sebbangan ket kadawyan iti nangato nga elebasion. Dagiti dadduma ket maysa nga isla laeng nga endemiko wenno karkarna, ken adda bassit dagiti mabalin a naungaw. Ti Kadua affinis ket adu a naiwarwaras iti Hawaii ken polimorpiko.^[2] Ti sebbangan-kita para iti henero ket ti Kadua acuminata.^[3]

Kadua
Kadua affinis
Taksonomia
Pagarian:	Plantae
(di nairanggo):	Angiospermae
(di nairanggo):	Eudicotidae
(di nairanggo):	Asterids
Urnos:	Gentianales
Pamilia:	Rubiaceae
Subpamilia:	Rubioideae
Tribu:	Spermacoceae
Henero:	Kadua Cham. & Schltdl.
Sebbangan-kita
Kadua acuminata Cham. & Schltdl.
Sebbangan
~ 29 a sebbangan, kitaen ti teksto

Ti Kadua ket dati a nairaman iti nalawa a naipalawag ken polipiletiko a Hedyotis, a nangbukel, a maipatinayon iti Kadua, ti sebbangan a naikabil itan iti Oldenlandia, Oldenlandiopsis, Houstonia, ken dagiti sabali pay a henero. Ti Hedyotis ket ak-akikid itan a naipalawag.^[4]

Dagiti sebbangan

Iti sumaganad a listaan, ti Kadua haupuensis ket nainayon iti sebbangan nga inlista babaen ni Edward E. Terrell et alii.^[5]

Kadua acuminata Cham. & Schltdl. Kadua affinis (A.Gray) W.L.Wagner & Lorence Kadua axillaris (Wawra) W.L.Wagner & Lorence Kadua centranthoides Hook. & Arn. Kadua cookiana Cham. & Schltdl. Kadua cordata Cham. & Schltdl. Kadua coriacea (Sm.) W.L.Wagner & Lorence Kadua degeneri (Fosberg) W.L.Wagner & Lorence Kadua elatior (H.Mann) W.L.Wagner & Lorence Kadua fluviatilis C.N.Forbes Kadua flynnii (W.L.Wagner & Lorence) W.L.Wagner & Lorence Kadua foggiana (Fosberg) W.L.Wagner & Lorence Kadua foliosa Hillebr. Kadua formosa Hillebr. Kadua fosbergii W.L.Wagner & D.R.Herbst

Kadua grantii (Fosberg) W.L.Wagner & Lorence Kadua haupuensis Lorence & W.L.Wagner Kadua knudsenii Hillebr. Kadua laxiflora H.Mann Kadua littoralis Hillebr. Kadua lucei (Lorence & J.Florence) W.L.Wagner & Lorence Kadua nukuhivensis (J.Florence & Lorence) W.L.Wagner & Lorence Kadua parvula A.Gray Kadua raiateensis J.W.Moore Kadua rapensis F.Br. Kadua romanzoffiensis Cham. & Schltdl. Kadua st-johnii (B.C.Stone & Lane) W.L.Wagner & Lorence Kadua tahuatensis (Lorence & J.Florence) W.L.Wagner & Lorence Kadua tryblium D.R.Herbst & W.L.Wagner

Pakasaritaan

Ti Kadua fluviatilis, nga endemiko iti Is-isla Hawaii, naisagmak, Oʻahu (Naimuyongan)

Ti henero ti Kadua ket naitakder idi 1829 babaen da Adelbert von Chamisso ken Diederich von Schlechtendal.^[6] Ninagananda daytoy para ken ni Kadu, ti maysa a patneng iti Ulea, maysa kadagiti Is-isla ti Marshall. Ni Kadu ket maysa idi a gayyem ni von Chamisso ken nangited kadagiti napateg a tulong iti ekspedision idi 1815–1818 nga indauluan babaen ni Otto von Kotzebue. Ti kadawyan a nagan iti Kadua ket saan unay a naus-usaren idi maika-20 a siglo, gapu ta kaaduan dagiti mannurat ket ikeddengda a maysa a sinomimo ti Hedyotis. Idi 1999, duapulo a sebbangan ti Kadua ket naipalawag a kas sebbangan ti Hedyotis iti maysa a Flora ti Hawaii.^[7] Naipalawag ti Kadua flynnii idi 1998,^[8] and Kadua haupuensis in 2010.^[9] Napaungar manen ti Kadua idi 2005.^[5] Daytoy a taksonomiko a panagbaliw ket tinunosan babaen dagiti molekular a pilohenetiko a panagadal ti tribu ti Spermacoceae idi 2008 ken 2009.^[4][10]

Pilohenio

Ti sumaganad a pilohenetiko a kayo ket sangkapaset a naibatay iti pilohenetiko a panagusig kadagiti panagsasaruno ti DNA,^[10] ken sangkapaset a naala manipud iti pannakaidasig a sinurot manipud iti maysa a papel idi 2005.^[5]

Kadua	Kadua tryblium Kadua affinis Kadua fosbergii Kadua axillaris Kadua acuminata Kadua fluviatilis Kadua rapensis Kadua coriacea Kadua formosa Kadua knudsenii Kadua foggiana Kadua centranthoides Kadua parvula Kadua degeneri Kadua littoralis Kadua laxiflora Kadua cordata Kadua elatior Kadua flynnii Kadua haupuensis