Kamelio

Ti kamelio ket maysa a paris ti ramay ti saka nga ungulata iti kaunegan ti henero ti Camelus, nga addaan kadagiti naisangsangayan a deposito ti taba a tinawtawagan kadagiti "pissuol" iti bukotna. Dagiti dua a nabatbati a sebbangan ti kamelio ken ti dromedario, wenno maysa ti pissuolna a kamelio, daytoy ket patneng ti Tengnga a Daya ken ti Sara ti Aprika; ken ti Baktriano, wenno dua ti pissuolna a kamelio, daytoy ket agtataeng idiay Tengnga nga Asia. Napamo dagitoyen a dua a sebbangan; dagitoy ket mangited ti gatas, karne, dutdot para kadagiti tela wenno tagilako, ken dagiti agob-obra nga ayup.

Kamelio Sakup ti panawen: Plioseno–Kaudian[1] PreЄ Є O S D C P T J K Pg N ↓
Dromedario (Camelus dromedarius)
Baktriano a kamelio (Camelus bactrianus)
Taksonomia
Pagarian:	Animalia
Pilo:	Chordata
Klase:	Mammalia
Urnos:	Artiodactyla
Pamilia:	Camelidae
Tribu:	Camelini
Henero:	Camelus Linnaeus, 1758
Sebbangan
Camelus bactrianus Camelus dromedarius Camelus ferus †Camelus gigas (posil)[2] †Camelus moreli (posil) †Camelus sivalensis (posil)[3]
Kapada a nagan
Listaan Camellus Molina, 1782 Dromedarius Gloger, 1841

Etimolohia

Ti termino a "kamelio" ket naala manipud iti Latin ken Griego (camelusken kamēlos) manipud iti Hebro wenno Penisio ti gāmāl, daytoy ket mabalin a pangited ti anag a ramut a kaibuksilan ti agbaklay wenno agawit (mainaig iti Arabiko ti jamala).^[4][5]

Ti "kamelio" ket adu pay a naus-usar a mangipalawag ti ania man kadagiti innem a kasla kamelio a mamalia iti pamilia ti Camelidae: dagiti dua nga agpayso a kamelio, ken ti uppat a Camalidae ti Abagatan nga Amerika: ti lama ken ti alpaka ket tinawtawagan dagitoy dagiti "kamelio ti Baro a Lubong", bayat a ti guanaco ken vicuña ket tinawtawagan dagitoy dagiti "kamelio ti Abagatan nga Amerika".^[6][7]