Ti Karayan Bued ket ti nangruna a karayan idiay isla ti Luzon iti Filipinas. Kangrunaan a sakupenna daytoy dagiti probinsia ti Benguet ken Pangasinan, ken dagiti bassit a parte ti La Union. Agtaud ti karayan manipud iti siudad ti Baguio ken tumipon iti Karayan Angalacan iti ili ti Mangaldan, Pangasinan tapno mangporma ti Karayan Cayanga.
Kurso
Dagiti taudan a danum ti Karayan Bued ket maporma iti akin-abagatan a daya a parte ti Siudad ti Baguio, nga idiay ket sakupenna dagiti 25 a baranggayna.[1] Kalpasanna daytoy ket mapan iti ili ti Tuba[2] iti igid ti sakaanan ti kabambantayan ti Santo Tomas, nga idiay ket tumipon iti karayan dagiti nadumaduma a tributario a waig. Sumrekti karayan iti ili ti Sison[3] intono maabotna ti baranggay Dungon, nga idiay ket mangrugi nakaro ti lan-ak ti ti karayan. Adda nabangon a penned ti karayan kadagiti baranggay Artacho, Cauringan, Esperanza, ken Poblacion Norte tapno mapawilan ti panagayus ti danum iti tengnga ti ili. Sunrek daytoy iti ili ti San Fabian kalpasanto no maabotna ti baranggay ti Ambalangan-Dalin, kalpasanna labsanna ti ili ti Pozorrubio, Pangasinan iti igid ti baranggay Balacag. Daytoy ket abutenna ti San Jacinto iti igid ti baranggay Santa Cruz ken serrekanna ti ili ti Mangaldan kalpasan a maabotna ti baranggay ti Biagtan, nga idiay ket tumipon iti Karayan Angalacan tapno mangporma ti Karayan Cayanga, nga agyus met iti Golpo Lingayen iti pagbeddengan a pagbaetan ti San Fabian ken siudad ti Dagupan.
Dagiti siudad ken dagiti ili
- Siudad ti Baguio
- Tuba, Benguet
- Pugo, La Union (iti igid ti akin-abagatan a parte ti Brgy. Saytan)
- Rosario, La Union (no maabotan ti Brgy. Bangar)
- Sison, Pangasinan
- Pozorrubio, Pangasinan
- San Jacinto, Pangasinan
- Mangaldan, Pangasinan (iti punto a pagtipunan iti Karayan Angalacan)
- Siudad ti Dagupan (lokasion ti sabangan a pagbeddengan ti ili ti San Fabian)
Dagiti nagibasaran
Wikiwand - on
Seamless Wikipedia browsing. On steroids.