Neolamarckia

Ti Neolamarckia ket ti henero dagiti sebbangan ti kayo a patneng iti tropiko a Daan a Lubong.^[2][1] Daytoy ket masansan a maiyallilaw kadagiti sabali a henero, a naipangpangruna ti Nauclea ken Neonauclea.^[1]

Neolamarckia
Neolamarckia cadamba
Neolamarckia cadamba
Taksonomia
Pagarian:	Plantae
(di nairanggo):	Angiospermae
(di nairanggo):	Eudicotidae
(di nairanggo):	Asterids
Urnos:	Gentianales
Pamilia:	Rubiaceae
Subpamilia:	Cinchonoideae
Tribu:	Naucleeae
Henero:	Neolamarckia
Kapada a nagan[1]
Anthocephalus auct. non A. Rich.

Deskripsion

Nagtimbukel dagiti inploressensia ken aglaon kadagiti adu a babassit a sabong. Ti bunga ket drupa a sagpaminsan a maisina kadagiti uppat a paset.^[1]

Dagiti sebbangan

• Neolamarckia cadamba, patneng iti daya nga Asia, abagatan nga Asia, ken abagatan a daya nga Asia
• Neolamarckia macrophylla, patneng iti abagatan nga Asia, ken abagatan a daya nga Asia

Nomenklatura

Napartuat ti henero a mangsukat iti Anthocephalus, a naibatay idi kadagiti dua a di mainaig nga espesimen iti herbario, ti maysa ket saan a nasayaat a namarkaan. Iti gapu dayta, ti agpaysao nga Anthocephalus ket sinonimo ti henero ti Breonia, ken nasapul ti baro a nagan para kadagiti kayo a kadawyan nga ammo babaen ti saan a husto a nagan.^[3]