Nuang

Ti Nuang (Ingles: carabao) ket maysa a dakkel nga ayup a napaamo a masarakan iti Asia. Masarakan pay kas napaamo nga ayup idiay Abagatan nga Amerika, Amianan nga Aprika ken Europa. Dagiti nataengan a nuang ket addaan dagsen a 300 a kilogramo agingga iti 1,200 kilogramo. Ti makuna a nuang iti Filipinas ket maysa a kita ti sebbangan (species) a Bubalus bubalis a B. b. carabenesis.

Nuang
Maysa a naamo a nuang iti Filipinas
Kasasaad ti panagay-aywan
Napaamo
Taksonomia
Pagarian:	Animalia
Pilo:	Chordata
Klase:	Mammalia
Urnos:	Artiodactyla
Pamilia:	Bovidae
Subpamilia:	Bovinae
Henero:	Bubalus
Sebbangan:	B. bubalis
Subsebbangan:	B. b. carabenesis
Tallo a nagan
Bubalus bubalis carabanesis (Linnaeus, 1758)

Ti pannakaidasig ti nuang ket saan a nalawag, sumagmamano nga autoridad ti mangilista iti maymaysa nga sebbangan, ti Bubalus arnee nga addaan dua a kita iti sebbangan, ti B. arnee bubalis ken ti B. arnee carabanesis.

Iti Filipinas, domestikado nga ayup ti nuang ket masansan a mainaig kadagiti mannalon ta ar-aramatenda ti nuang a pagobra iti talon kas koma pagarado, pagsuyod, pagpaguyod ti ulnas wenno pattuki ken iti karison. Ti naammo a nuang ket maibilang a nailian nga ayup ti Filipinas.

Ti henero a Bubalus ket karaman dagiti atap a nuang a kas kadagiti tamaraw ken anoa.