Pagsasao nga Ati

Ti Ati (Inati) ket ti pagsasao ti isla ti Panay idiay Filipinas. Ti karuay a naisasao idiay akin-amianan a Panay ket tinawtawagan iti Sogodnin (Pennoyer 1987).^[2] Ti tattao nga Ati ket agsaoda pay iti Kinaray-a ken Hiligaynon.

Ati
Inati
Patubo iti	Filipinas
Rehion	Panay
Etnisidad	Tattao nga Ati
Patubo a mangisasao	(1,500 ti nadakamat idi 1980)[1]
Pamilia	Austronesio Malayo-Polinesio Filipino Ati
Kodkodigo ti pagsasao
ISO 639-3	atk
Glottolog	atii1237
ELP	Ati (Philippines)

Pannakaidasig

Inkeddeng da Pennoyer (1987) kenReid (2013)^[3] a ti Inati a kas maysa a naisina a sasao a Filipino. Daytoy ket nakaro a maigiddiat manipud iti sasao a Bisaya ken addaan kadagiti adu a langa a saan amabirukan iti sasao a Tengnga a Filipino.

Ti Inati ket mangipakita kadagiti naiduma a panagbaliw iti uni.^[3]

• Proto-Malayo-Polinesio *R > Inati /d/, a kas iti PMP *liʔəR > Inati /liʔad/
• Proto-Malayo-Polinesio *ə > Inati /a/ (a kas iti sasao a Tengnga a Luzon), saan nga iti PMP *ə > /u/ or /ə/, a ka s iti sasao a Bisaya

Dagiti lokasion

Inlista ni Lobel (2013:75) dagiti sumaganad a komunidad ti Ati idiay Filipinas, nga agraman kadagiti naited a populasion iti parentesis.

• Iloilo (1,902): Anilao (341), Barotac Viejo (867), Cabatuan (31), Calinog (163), Dueñas (43), Dumangas (50), Janiuay (22), New Lucena (59), Passi (103), San Miguel (17), San Rafael (110), Santa Barbara (12), Tigbauan (69), San Joaquin (15)
• Antique (4,680): Anini-y (156), Hamtic (3,081), Tobias Fornier (1,383), San Jose (60)
• Capiz (308): Dumarao (308)
• Aklan (740+): Buruanga (?), Malay (740)
• Guimaras (789): Buenavista (189), Jordan (237), Sibunag (178), Nueva Valencia (185)
• Negros Occidental (309): Isabela (309)
• Romblon: Odiongan ken Calatrava iti Isla Tablas, ken San Jose iti Isla Carabao (di ammo ti kaadu ti populasion)

Dagup: 8,728+

Inlista ni Baruah (2000) dagiti sumaganad a lokasion.

• Antique: Culuasi, Hamtic, San Jose, Sibalom, Tobias
  • Tina, Hamtic, Antique (512 a tattao)
• Capiz: Dumarao
• Iloilo: Janiuay, Anilao, Cabatuan, Duenas, Dumangas, Mina, New Lucena, Passi, San Miguel, San Joaquin, San Rafael, Santa Barbara, Tigbauan
  • Nagpana, Barotac Viejo, Iloilo (500 a tattao)
• Aklan
  • Barangay Sabang, Buruanga, Aklan (4 a sangkabalayan, 15 a tattao)
  • Barangay Jesuna, Nabas, Aklan (3 a sangkabalayan, 20 a tattao)
  • In Malay, Aklan: Barbaranggay Argao, Cubay Norte, Cubay Sur, Cogon, Boracay (dagupo: 63 a sangkabalayan, 321 a tattao)

Inreporta ni Pennoyer (1987) a ti Sogodnin ket insasao dagiti bassit a nabati nga agsasao idiay Cogon, Malay (dagiti taudanda ket immalisda manipud iti akin-uneg a Sabang idiay Bakirohan iti Cogon), ken kadagit iisla ti Carabao ken Boracay.