Ramallah

Ti Ramallah (Arabiko: رام الله‎, maibalikas a kas Rāmallāh   ) ket ti siudad ti Palestina idiay sentral a West Bank a mabirukan iti 10 km (6 milia) iti amianan ti Herusalem iti maysa a natimbeng a kangato iti 880 metro iti pantar ti baybay, ken asideg daytoy iti al-Bireh. Daytoy ket agdama nga agserbi a kas ti de facto nga administratibo a kapitolio ti Nailian a Turay ti Palestina (PNA). Ti Ramallah ket historikal idi a maysa nga ili ti Kristiano nga Arabo. Ita nga aldaw dagiti Muslim ket ti kaaduan a mangporma ti populasion iti gangani a 27,902 nga agtataengbabaen idi 2007,^[2] ken agraman dagiti Kristiano a mangbukel iti kaaduan kadagiti minoridad.

Ramallah
Kita ti Munisispalidad A (Siudad)
Transkripsion nga Arabiko
• Arabiko	رام الله
Agpakanawan manipud iti ngato: Buya ti Ramallah ken ti tengnga a meskita, mausoleo ni Arafat, Simbaan Ni Apo Baket ti Asunsion, dagiti tidda ti Romano, Kuadrado ti Al-Manara
Ramallah Lokasion ti Ramallah iti kaunegan ti Palestina
Nagsasabtan: 31°54′N 35°12′E
Grid ti Plestina	168/145
Estado	Estado ti Palestina
Gobernorato	Ramallah ken al-Bireh
Gobierno
• Kita	Siudad (manipud idi 1995)
• Daulo ti MUnisipalidd	Musa Hadid
Kalawa
• Kita ti Munisispalidad A (Siudad)	16,344 dunams (16.3 km2 wenno 6.3 sq mi)
Populasion  (2017)[1]
• Kita ti Munisispalidad A (Siudad)	38,998
• Densidad	2,400/km2 (6,200/sq mi)
• Metro	153,237
Website	www.ramallah.ps

Etimolohia

Ti "Ramallah" ket buklen ti "Ram," ti maysa a balikas ti Arameo a ti kayatna a sawen ket "nangato a lugar wenno bantay," ken "Allah," ti Arabiko a balikas para iti Dios,^[3] ken no iraman dagitoy dua a balikas ti napno a kaibuksilanna ket "ti Turod ti Dios".^[4]

Pakasaritaan

Dagiti tabon iti nakitikit a bato ket nabirukanen idiay asideg ti Ramallah.^[5] Dagiti pirgis ti damdamili manipud iti Krusada/Aybi ken ti nasapa a paset ti panawen ti Otomano ket nabirukan pay idiay.^[6]

Ti Ramallah ket nainagananen a mairaman iti lugar ti Krusada a tinawtawagan iti Ramalie.^[7][8] Adda pay dagiti nailasin a tidda ti pasdek nga addaan iti naarko a ruangan manipud iti panawen ti Krusada a tinawtawagan iti al-Burj,.^[9] ngem ti kasisigud nga usar ti pasdek ket saan pay a naikeddeng.^[10]