Robin Williams

Ni Robin McLaurin Williams (Hulio 21, 1951 – Agosto 11, 2014)^[7] ket maysa idi nga Amerikano nga aktor ken komediante. Nangrugi a kas komediante idiay San Francisco ken Los Angeles kadagiti tawen ti tengnga ti 1970, isu ket naipammadayawan iti panangiyuna ti iyu-ungar manen iti komedia idiay San Francisco. Kalpasan a dimmayeg a kas Mork iti sitcom ti Mork & Mindy (1978–82), napngipatakder isuna ti karer iti komedia ken pelikula. Isu ket ammo idi para iti kalaingna nga agimprobisado.^[8][9]

Robin Williams
Williams til premieren på Happy Feet 2.
Dagiti salaysay
Nayanak	Robin McLaurin Williams  Hulio 21, 1951  [1][2][3][4][5] Chicago
Natay	Agosto 11, 2014  (tawen 63) [6][1][2][5] Tiburon, Paradise Cay
Gapu iti pannakatay	Hanging to death
Alma mater	Redwood High School
Trabaho	Stand-up comedian, aktor ti telebision, aktor ti pelikula, aktor, komidiante, produser ti pelikula, mannurat iti senario, audiobook narrator, aktor ti teatro, aktor ti boses, mime artist
A(s)sawa	Valerie Velardi1978 (n. 1988, diborsio) Marsha Garces (n. 1989; dib. ;2010) Susan Schneider (n. 2011; aginggana idi pimmusay ni Williams idi 2014)
A(n)nak	Zelda Williams
Dagiti gunguna	Kalaingan a Mangsuporta nga Aktor, Disney Legends, Jane Fonda Humanitarian Award
Website
http://www.robinwilliams.com

Kalpasan ti immuna a pelikula iti musikal a komedia ti Popeye (1980), isu ket kimmaddua a nagbida kadagiti kaaduan a naipammadayan a pelikula, mairaman ti komedia-drama ti The World According to Garp (1982), ti komedia ti gubat ti Good Morning, Vietnam (1987), dagiti drama ti Dead Poets Society (1989) ken Awakenings (1990), ti komedia-drama ti The Fisher King (1991), ti pantasia nga animado a musikal ti Aladdin (1992), ti drama ti Good Will Hunting (1997), ken ti sikolohikal a thriller ti One Hour Photo (2002), ken dagiti pay nagballigi iti pinansia a kas ti pelikula ti Hook (1991), ti komedia ti Mrs. Doubtfire (1993), ti pantasia nga adbentura ti Jumanji (1995), ti komedia ti The Birdcage (1996),ken ti trilohia ti serye ti Night at the Museum.

Idi 1998, nangabak ni Williams iti Kalaingan a Mangsuporta nga Aktor para iti panangiladawanna a kas ni Dr. Sean Maguire iti Good Will Hunting.