Rodrigo Duterte

Ni Rodrigo "Rody" Roa Duterte^[1] (nayanak idi Marso 28, 1945), ammo pay iti birngas a kas Digong, ket Filipino nga abogado ken politiko iti kaputotan a Bisayano nga agserserbi a kas ti maika-16 a Presidente ti Filipinas manipud idi 2016 aginggana idi 2022.^[2][3][4] Isu ti immuna a taga-Mindanao a presidente ti pagilian.^[5]

Rodrigo Duterte
Maika-16 a Presidente ti Filipinas
Nagakem Hunio 30, 2016 – Hunio 30, 2022
Bise Presidente	Leni Robredo
Inunaan ni	Benigno Aquino III
Sinaruno ni	Ferdinand Marcos Jr.
Mayor ti Siudad ti Davao
Nagakem Hunio 30, 2013 – Hunio 30, 2016
Inunaan ni	Sara Duterte
Sinaruno ni	Sara Duterte
Nagakem Hunio 30, 2001 – Hunio 30, 2010
Inunaan ni	Benjamin C. de Guzman
Sinaruno ni	Sara Duterte
Nagakem Pebrero 2, 1988 – Marso 19, 1998
Inunaan ni	Jacinto T. Rubillar
Sinaruno ni	Benjamin C. de Guzman
Bise Mayor ti Siudad ti Davao
Nagakem Hunio 30, 2010 – Hunio 30, 2013
Inunaan ni	Sara Duterte
Sinaruno ni	Paolo Duterte
Nagakem Mayo 2, 1986 – Nobiembre 27, 1987 Daulo nga Opisial
Inunaan ni	Cornelio P. Maskariño
Sinaruno ni	Gilbert G. Abellera
Kameng ti Kamara dagiti Pannakabagi ti Filipinas manipud iti Umuna a distrito ti Siudad ti Davao
Nagakem Hunio 30, 1998 – Hunio 30, 2001
Inunaan ni	Prospero Nograles
Sinaruno ni	Prospero Nograles
Dagiti bukod a salaysay
Naiyanak	Rodrigo Roa Duterte (1945-03-28) Marso 28, 1945 (tawen 80) Maasin, Filipinas
Partido ti politika	PDP–Laban
Dadduma a kumadduaan iti politika	Hugpong sa Tawong Lungsod (2011–present)
A(s)sawa	Elizabeth Zimmerman (n. 1973; ann. 2000)
Kadua a kinadenna	Cielito Avanceña
Annak	Paolo (kenni Zimmerman) Sara kenni Zimmerman) Sebastian (kenni Zimmerman) Veronica (kenni Avanceña)
Alma mater	Unibersidad ti Ateneo de Davao Unibersidad ti Liseo ti Filipinas Kolehio ti San Beda

Ni Duterte ket maysa idi kadagiti kapautan a nagserserbi a mayor iti Filipinas ken mayor idi ti Siudad ti Davao, ti urbano unay a siudad iti isla ti Mindanao, para kadagiti pito a termino ken agdagup kadagiti ad-adu ngem 22 a tawen. Isuket nagserbi pay a kas bise mayor ken kas kongregista iti siudad.

Nabirngasan a kas "The Punisher", dagiti grupo ti vigilante a naikonekta kenni Duterte ket naiparpagarupda nga akinrebbeng para kadagiti panagpatay kadagiti agidurduron ti druga, kriminal, kameng dagiti barkada ken dagiti dadduma pay nga elemento dagiti dakes a tattao. Iti paset ti panawen dagiti sumurok a 20 a tawen, binaliwanna ti Siudad ti Davao manipud iti "kapitolio ti panagpapatay iti Filipinas" iti makunkuna itan iti turismo a kas "ti kakappiaan a siudad iti abagatan a daya nga Asia," ken ti irangngo ti numbeo.com a kas ti maikapat a katalgedan a lugar iti lubong.^[6][7][8] Urayno kasta, nakaawis ni Duterte kadagiti kritisismo manipud kadagiti nadumaduma a taudan, nangnagruna met iti press ken ti daulo ti Nailian a Pulis ti Filipinas iti gobierno ni Aquino, a nangsuppiat ti kaepektibo dagiti annurotenna.^[9]

Namin-adu a naaw-awis idi ni Duterte nga agtaray a presidente para iti Filipinas,^[10] ngem saan met a nagkayat kadagiti a daton aginggana idi naladaw a tawenen ti 2015 gapu iti "napilaw a sistema ti gobierno", kalakay ken saan a panagkayat ti pamiliana.^[11] Urayno kasta, idi Nobiembre 21, 2015, inrangarangna ti panagkandidatona iti panagbubutos ti 2016 para iti opisina ti Presidente ti Filipinas, ken nangabak iti guedday a panangabak, ket nakaawat kadagiti butos iti 16,601,997.^[12] Nagtakem iti opisina ni Duterte idi Hunio 30, 2016, para kadagiti termino iti innem a tawen.^[13]

Nasapa a biag

Naiyanak ni Duterte idi Marso 28, 1945, idiay Maasin (itan ket kapitolio ti Abagatan a Leyte ngem parte idi ti insular a probinsia ti Leyte iti Mankomunidad ti Filipinas).^[14] Ti amana ket ni Vicente G. Duterte ti Cebuano nga abogado ken ti inana ket ni Soledad Roa, ti patubo ti Cabadbaran, Agusan, ti mannuro ti eskuela ken daulo ti sibiko ti kaputotan a Maranao. Ni Vicente ti ama ni Duterte, sakbay idi nagablin a gobernador ti probinsia ti (ti saan pay idi a nabingbingay) a probinsia ti Davao, ket maysa idi a nagtigtignay a Mayor ti Danao, Cebu. Ni Ronal ti kasinsin ni Rodrigo, ket nagserbi met a kas Mayor ti Siudad ti Cebu manipud idi 1983 aginggana idi 1986. Ni Ramon Duterte ti amam ti Ronal, ket nagtengngel pay iti dayta a puesto manipud idi 1957 aginggana idi 1959. Ikeddeng ti pamilia ti Dutertes ti naikuartel iti Cebu dagiti pamilia ti politika ti kaputotan ti Durano ken Almendra a kas kakabagian. Adda pay dagiti kabagian ni Duterte manipud iti kaputotan ti Roa babaen iti bangir iti inana.^[15] Sakbay a nagsublida idiay Davao, ti pamilia ti Duterte ket nabiitda pay a nagtaeng idiay nakayanakanna iti Maasin, Leyte, ken idiay ili ti amana iti Danao, Cebu, aginggana idi isu ket agtawen iti lima.^[16]

Immuna nga immalis dagiti Duterte idiay Mindanao idi 1948 ngem agsublisubli iti Visayas.^[17] Kanungpalandan a nagtaeng idiay Rehion ti Davao idi 1951. Ni Vicente a kas abogado ket pribado a nagsanay, bayat a ni Soledad nagisursuro kadagiti publiko nga eskuela akas mannuro. Nupay kast ni Mrs Duterte, ket nagretiro a kas mangimaton idi 1952 idi ti abogado nga asawana ket simrek idiay iti politika.