Seychelles

Ti Seychelles (/seɪˈʃɛlz/ (dengngen); Pranses: [sɛʃɛl]^[5][6][7] wenno [seʃɛl]^[8]), opisial a ti Republika ti Seychelles (Ingles: Republic of Seychelles; Pranses: République des Seychelles; Kreol: La Repiblik Sesel), ket ti maysa a purpuro a pagilian nga isla iti Taaw Indiano iti akindaya nga igid ti Baybay Somali. Buklen daytoy dagiti 115 nga isla. Ti kapitolio ken kadakkelan a siudadna ket ti Victoria, ken 1,500 kilometro (932 mi) iti daya ti nagruna a daga ti Aprika. Dagiti sabali pay a kabangibang a pagilian nga isla ket mairaman ti Komoros, Madagascar, Maurisio, ken dagiti ballasiw-taaw a rehion ti Pranses iti Mayotte ken Réunion iti abagatan; ken ti Maldibas ken ti Purpuro Chagos (inadministro babaen ti Reino Unido a kas ti Teritotio ti Taaw Indiano ti Britaniko) iti daya. Ti nakarkulo a populasionna iti 98,462^[9] ket ti kabassitan ti populasion iti ania man a naturay a pagilian iti Aprika.^[10]

Republika ti Seychelles Republic of Seychelles (Ingles) République des Seychelles (Pranses) Repiblik Sesel (Kreol ti Seychelles)
Wagayway Eskudo
Napili a pagsasao: "Finis Coronat Opus" (Latin) "Dagiti Patingga ti Balangat ti Obra"
Nailian a kanta: Koste Seselwa Agkaykaysakayo amin Seychellois
Lokasion ti  Seychelles  (nangisit nga asul) – idiay Aprika  (napusasaw nga asul ken nangisit a kolor dapo) – idiay the Kappon ti Aprika  (napusasaw nga asul)
Kapitolio ken kadakkelan a siudad	Victoria 4°37′S 55°27′E
Opisial a sasao	Ingles Pranses Kreol ti Seychelles
Grupgrupo ti etniko	93% Kreol ti Seychelles 3.0% Britaniko 1.8% Pranses 0.5% Insik 0.3% Indiano 1.2% dadduma
Relihion	89.2% Kristianidad —76.2% Katolisismo —6.1% Anglikanismo —6.9% Dadduma a Kristiano 2.4% Hinduismo 1.6% Islam 1.1% Dadduma 0.9% Awan 4.8% Di nairangarang[1]
Nagan dagiti umili	Seychellois Seychelloise Seselwa (Kreol)
Gobierno	Unitario a presidensial a republika
• Presidente	Wavel Ramkalawan
• Bise Presidente	Ahmed Afif
• Tagabitla ti Nailian nga Asemblia	Roger Mancienne
Lehislatura	Nailian nga Asemblia
Wayawaya
• manipud iti Reino Unido	29 HUnio 1976
Kalawa
• Dagup	459 km2 (177 sq mi) (Maika-181)
• Danum (%)	bassit laeng
Populasion
• Karkulo idi tengnga ti 2020	98,462 (Maika-184)
• Densidad	214.5/km2 (555.6/sq mi) (Maika-67)
GDP (PPP)	Karkulo idi 2018
• Dagup	$2.919 bilion[2]
• Tunggal maysa a tao	$30,486[2]
GDP (nominal)	Karkulo idi 2019
• Dagup	$1.564 bilion[2]
• Tunggal maysa a tao	$16,332[2]
Gini (2013)	46.8[3] nangato
HDI (2019)	0.796[4] nangato · Maika-67
Kuarta	Rupee ti Seychelles (SCR)
Sona ti oras	UTC+4 (SCT)
• Kalgaw (DST)	UTC+4 (saan a mapalpaliiw)
Pagmanehuan	kanigid
Kodigo ti panagtawag	+248
Kodigo ti ISO 3166	SC
TLD ti internet	.sc

Saan idi a natagtagitao ti Seychelles sakbay a naduktalan dagiti Europeano idi maika-16 a siglo. Daytoy ket nakasango iti agbingbinglay nga interesado ti Pranses ken Britaniko aginggana idi napno a tinurayan ti Britaniko idi naladaw a maika-18 a siglo. Manipud idi nangirangrang iti wayawaya manipud iti Reino Unido idi 1976, napadur-as daytoy manipud iti kaaduan a kagimongan ti agrikultura iti naibatay iti panagtagilako ti agduduma nga ekonomia, nga ilasin babaen dagiti nga aktibidad iti serbisio, sektor ti publiko, ken turismo. Manipud idi 1976 aginggana idi 2015, dimmakel ti nominal a GDP iti ganggani a 700%, ken ti pagpadaan ti kapigsa ti panaggatang iti ganggani a 1600%. Manipud kadagiti naladaw a tawen ti 2010, nangiyaddang ti gobierbo a mangawis iti gangganaet a pagpuonan.

Ita nga aldaw, agpannakkel ti Seychelles iti kangatuan a nominal a GDP iti tunggal maysa a tao iti ania man a pagilian iti Aprika. Addaan daytoy iti maikadua a kangatuan nga Indise ti Panagrang-ay ti Nagtagitaon iti ania man a pagilian iti Aprika kalpasan ti Maurisio. Maysa laeng daytoy kadagiti dua a pagilian ti Aprika a naidasig a kas maysa a nangato ti matgedan nga ekonomia babaen ti Banko ti Lubong (ti sabali ket ti Maurisio).

Ti kultura ken kagimongan ti Seychelles ket maysa nga eklektiko a panaglalaok dagiti impluensia ti Pranses, Britaniko, ken Aprikano, nga agraman iti ad-adu a kaudian a laok dagiti elemento ti Insik ken Indiano. Ti pagilina ket kameng ti Nagkaykaysa a Pagpagilian, ti Kappon ti Aprika, ti Komunidad ti Panagrang-ay ti Akin-abagatan nga Aprika, ken ti Mankomunidad ti Pagpagilian.