Sinaloa

Ti Sinaloa (/sinaˈlo.a/ ), opisial a ti Nawaya ken Naturay nga Estado ti Sinaloa (Espaniol: Estado Libre y Soberano de Sinaloa), ket maysa kadagiti 31 nga estado, a no mairaman ti Pederal a Distrito, ket mangbukel kadagiti 32 a Pederal nga Entidad ti Mehiko. Daytoy ket nabingbingay kadagiti 18 nga ili ken ti kapitoliona ket ti siudad ti Culiacán Rosales.

Sinaloa
Estado ti Mehiko
Eskudo
Ipakita ti mapa ti Sinaloa Ipakita ti ladawan a mapa ti Sinaloa Sinaloa Ipakita ti mapa ti Mehiko
Nagsasabtan:
Pagilian	Mehiko
Napundar	1831
Kapitolio	Culiacán
Kalawa
• Dagup	57,377.00 km2 (22,153.38 sq mi)
Kangato	139 m (456 ft)
Populasion  (2015)[1]
• Dagup	2,966,700
• Densidad	52/km2 (130/sq mi)
Sona ti oras	UTC−07:00
Kodigo ti koreo	80-82
Website	sinaloa.gob.mx

Daytoy ket mabirukan idiay Akin-amianan a laud a Mehiko. Daytoy ket beddengan babaen dagiti estado ti Sonora iti amianan, ti Chihuahua ken Durango iti daya (maisinada babaen ti Sierra Madre Occidental) ken ti Nayarit iti abagatan. Iti laud, ti Sinaloa ket addaan iti adu a bingay ti aplaya iti Golpo ti California.

Ti estado ket sakupenna ti kalawa iti 57,377 a kuadrado kilometro (22,153 sq mi), ken mairaman dagiti isla ti Palmito Verde, Palmito de la Virgen, Altamura, Santa María, Saliaca, Macapule ken San Ignacio.

Iti pay maipatinayon iti kapitolo a siudad, dagiti nagruna pay a siudad ti estado ket mairaman ti Mazatlán ken Los Mochis.