Sub-Sahara nga Aprika

Ti Sub-Sahara nga Aprika no maipapaan iti heograpia, ket ti lugar ti kontinente ti Aprika a mabirukan iti abagatan ti Desierto ti Sahara. No maipapan iti politika, daytoy ket buklen amin dagiti pagilian ti Aprika a napno wenno sangkapaset a mabirukan iti abagatan ti Sahara (malaksid ti Sudan, urayno ti Sudan ket adda iti Akindaya a paset ti desierto ti Sahara).^[2] Daytoy ket maigiddiat iti Amianan nga Aprika, a naikeddeng a paset ti Arabo a lubong. Ti Somalia, Djibouti, Komoros, ken ti Mauritania ket heograpiko a paset ti Sub-Sahara nga Aprika, ngem paset pay ti Arabo a lubong.^[3]

Nangisit ken napuspusasaw a berde: Panagipalawag ti "Sub-Sahara nga Aprika" a kas naus-usar iti estadistika dagiti institusion ti Nagkaykaysa a Pagpagilian.
Napusasaw a berde: Nupay kasta, ti Sudan ket naidasig a kas Amianan nga Aprika babaen ti Nagkaykaysa a Pagpagilian.^[1]

Ti Sahel ket ti transisional a sona a pagbaetan ti Sahara ken ti tropikal a sabana (ti rehion ti Sudan) ken ti mosaiko ti kabakiran a sabana iti abagatan.

Mabalin a manipud idi 3500 B.C.E,^[4][5] dagiti rehion ti Sahara ken Sub-Sahara ti Aprika ket naisinsinan babaen ti narusanger unay a klima iti manmano ti populasionna a Sahara, ken mangporma iti maysa nga epektibo a bangen a pasardengen laeng babaen ti Karayan Nilo idiay Sudan, ngem ti Nilo ket nalappedan idi babaen dagiti katarata. Ti Teoria ti Bomba ti Sahara ket mangipalawag no kasano a ti flora ken fauna (mairaman ti Homo sapiens) ket pimmanaw idiay Aprika ken naserrekanna ti Tengnga a Daya ken iti labes daytoy.