Taksonomiko a ranggo

Iti biolohiko a pannakaidasig, ti ranggo ket isu ti agpang (ti relatibo a puesto) iti maysa a taksonomiko a panagsisinnaruno. Dagiti kas pagarigan iti taksonomiko a ranggo ket dagiti sebbangan, henero, pamilia, ken klase.

Biag Dominio Pagarian Pilo Klase Urnos Pamilia Henero Sebbangan
Ti panagsisinnaruno ti biolohiko a pannakaidasig dagiti walo a kangrunaan a taksonomiko a ranggo. Dagiti bassit a naipakatengngaan a pannakairanggo ket saan a naipakita.

Ti tunggal maysa a ranggo ket maikkedeng iti babaenna ti bilang dagiti saan unay a sapasap a kategoria. Ti ranggo ti sebbangan, ken ti panangilasin iti henero a pakaitagikuaan ti sebbangan ket batayan, a ti kaibuksilanna ket mabalin a saan a nasken ti pananginagan kadagiti ranggo ngem dagitoy.^[1]

Ti Internasional a Kodigo iti Soolohiko a Nomenklatura ket mangipalpalawag ti ranggo a kas ti:

Ti agpang, para kadagiti panggep ti nomenklatura, iti maysa a takson iti taksonomiko a panagsisinnaruno (a kas dagiti amin a pamilia ket para kadagiti panggep ti nomenklatura iti isu met laeng a ranggo, a naisanglad iti baetan ti superpamilia ken subpamilia)^[2]