Tlaxcala

Ti Tlaxcala (Espaniol [tla(k)sˈkala] ; /tlɑːsˈkɑːlə/; [tla(ɣ)sˈkala]; manipud iti sasao a Nahuatl: Tlaxcallān Panangibalikas a Nahuatl: [tɬaʃˈkalːaːn] (dengngen)), opisial a ti Nawaya ken Naturay nga Estado ti Tlaxcala (Espaniol: Estado Libre y Soberano de Tlaxcala), ket maysa kadagiti 31 nga estado, a no mairaman ti Pederal a Distrito, ket mangbukel kadagiti 32 a Pederal nga Entidad ti Mehiko. Daytoy ket nabingbingay kadagiti 60 nga ili ken ti kapitolio a siudadna ket ti Tlaxcala.

Tlaxcala
Estado ti Mehiko
Government Palace
Wagayway Eskudo
Ipakita ti mapa ti Tlaxcala Ipakita ti ladawan a mapa ti Tlaxcala Tlaxcala Ipakita ti mapa ti Mehiko
Nagsasabtan:
Pagilian	Mehiko
Napundar	1857
Kapitolio	Siudad ti Tlaxcala
Gobierno
• Daulo	Lorena Cuéllar Cisneros
Kalawa
• Dagup	3,991.00 km2 (1,540.93 sq mi)
Kangato	2,425 m (7,956 ft)
Populasion  (2015)[1]
• Dagup	1,272,847
• Densidad	320/km2 (830/sq mi)
Sona ti oras	UTC−06:00
Kodigo ti koreo	90
Website	www.tlaxcala.gob.mx

Daytoy ket mabirukan idiay Daya-Tengnga a Mehiko, idiay rehion ti altiplano, nga iti akindaya a parte ket kaaduan ti Sierra Madre Oriental.^[2] Daytoy ket beddengan babaen dagiti estado ti Puebla iti amianan, daya ken abagatan, ti Estado ti Mehiko iti laud ken ti Hidalgo iti amianan a laud. Daytoy ti kabassitan nga estado ti republika, ken mangidagup laeng iti 0.2% iti teritorio ti pagilian.^[2]

Ti estado ket nanaganan manipud iti kapitoliona, ti Tlaxcala, ken isu pay ti nagan ti sakbay ti Columbiano a siudad ken kultura. Kimmmaddua dagiti Tlaxcalano kadagiti Espaniol tapno abakenda dagiti Azteca, ken adda met dagiti konsesion kadagiti Espaniol tapno maipalubos nga agtultuloy a sibubukel ti teritorio kadagiti amin a paset ti panawen dagiti 300 a tawen ti paset ti panawen ti kolonia.^[3] Kalpasan ti Wayawaya ti Mehiko, nairangarang idi ti Tlaxcala a kas pederal a teritorio, aginggana idi 1857 idi naawat daytoy a kas estado ti pederasion.