Internaciona Olimpiala Komitato
From Wikipedia, the free encyclopedia
L'Internaciona Olimpiala Komitato, IOK (France: Comité international olympique, CIO; Angle: International Olympic Committee, IOC) esas internaciona korporaciono sen profitala skopo, kreita ye la 23ma di junio 1894 en Suisia dal barono Pierre de Coubertin, por organizar la moderna Olimpiala Ludi de kande le unesma eventis en 1896. Lua unesma prezidanto esis Demetrios Vikelas.
Nun, IOK organizas la moderna Olimpiala Ludi e l'Olimpiala Ludi dil Yunaro, qui eventas dum somero e dum vintro, ye singla quaresma yaro. IOK esas proprietanto di omna yuri asociita a l'Olimpiala simboli: la standardo, la himno, l'olimpiala devizo, l'olimpiala juro e la ludi. IOK kontrolas la yuro pri transmiso di la Ludi, l'anunci ed altra agadi segun l'Olimpiala charto. Ye singla quaresma yaro ol anke selektas l'urbo qua esos eventeyo por la Ludi.
Nun ol konsistas ek 106 membri aktiva, 33 honorumala membri ed 1 honor-membro (Henry Kissinger)[1] Lua sideyo jacas en l'urbo Lausanne.