Yangon
From Wikipedia, the free encyclopedia
Yangon o Rangoon esas la maxim populoza urbo, ed olima chef-urbo (til 2006) di Myanmar. Segun la demografiala kontado di 2014, ol havis 7 670 703 habitanti. Lua tota surfaco esas 598,75 km². En 2006 la militistala rejimo qua kontrolis Myanmar transferis la chef-urbo di la lando a Naypyidaw.
Yangon | ||
Kelk imaji pri Yangon. | ||
Lando: | Myanmar | |
Informo: | ||
Latitudo: | 16°48' N | |
Longitudo: | 96°09' E | |
Altitudo: | 15 m | |
Surfaco: | 598,75 km² | |
Habitanti: | 7 670 703 (2014) | |
Disto de Naypyidaw: | 396[1] km | |
Horala zono: | UTC+6:30 | |
Mapo: | ||
La nomo dil urbo forsan derivas del Burmana vorto yangun, signifikante 'pacoza', o de la vorti yan e koun, signifikante "urbo sen enemiki", o men originis de Dagon, la deo homajata en la pagodo Shwe Dagon, qua dominacas la urbo. L'urbo konservas la maxim granda quanto di edifici de kolonial epoko di tota Azia. An lua komercala centro jacas pagodo Sule, quan on kalkulas evar plu kam 2 mil yari.
Kande komparata ad altra granda urbi en sud-estal Azia, nome Jakarta, Bangkok o Hanoi, la substrukturo urbala di Yangon esas prekara. Multa studianti en povra quarteri falias enirar sekundara skoli, kontre ke la maxim multa studenti qui sucesas enirar bona universiti venas de skoli jacanta en richa quarteri, exemple Dagon 1, Sanchaung 2, Kamayut 2, Bahan 2, Latha 2, e TTC. La sistemo di publika saneso ank esas prekara por le povra, kontre ke le richa pagas por havar aceso a bona kliniki.