Aguascalientes

Aguascalientes esas un ek la 31 stati di Mexikia. Segun la demografiala kontado di 2020, ol havis 1 425 607 habitanti. Lua tota surfaco esas 5 616 km². Ol esas un ek la min granda stati di Mexikia, sive en surfaco, sive en habitantaro. Olua vicini esas Zacatecas norde e weste, e Jalisco sude.

Aguascalientes Stato di Mexikia Chefurbo Aguascalientes-urbo Surfaco 5 616 km² Habitanti Denseso di habitantaro 1 425 607 (2020) 197,3 hab./km² Guberniestro Teresa Jiménez Esquivel Horala zono UTC-6 Reto http://www.aguascalientes.gob.mx/

Geografio

Municipi di Aguascalientes

La dominacanta klimato dil stato esas miarida, ecepte en mikra zono montoza adnord-weste, konocata kom Sierra Fría, qua havas moderema klimato. La pluvo-quanto en ca zono formacas riveri qui plenigas aquobarili qui furnisas aquo a lua urbi.

Ekonomio

Nun, industrio, nome automobilala industrio (Toyota e Nissan), esas importanta en la stato. Altra industrii anke kolokas en la stato, exemple elektronikal equipuri. Lua produktado di vitoberi komencis dum Hispana koloniigo, e duras esar importanta. Turismo anke divenabas importanta: dum recenta yari, mili di viziteri arivas de altra regioni Mexikiana por vizitar la Nacionala Ferio Santa Markus (Feria Nacional de San Marcos), qua duras dum 3 o 4 semani, omnayare.