Akiba Rubinstein

Akiba Kiwelowicz Rubinstein (IFA: aˈkʲiba kʲivɛˈlɔvʲit͡ʂ rubinˈʂtɛjn)^[1] (n. ye la 1ma di decembro 1880 o 12ma di decembro 1882 – m. ye la 15ma di marto 1961) esis Poloniana shakoludisto, relata kun urbo Łódź, un ek maxim bona ludisto dil mondo ye la komenco di 20ma yarcento.

Akiba Rubinstein
Profesiono:	shakoludisto
Lando:	Rusa imperio (1914-1917) Polonia Belgia
Naskodato:	1 di decembro 1880, 12 di decembro 1882
Nasko-loko:	Stawiski, Kongresala Polonia, Rusa imperio
Mortodato:	15 di marto 1961
Morto-loko:	Antwerpen, Belgia

Profesionala shakoludisto il divenis en 1898. Ludis komence en Białystok, ma en 1901 chanjis ica urbo a Łódź, lore forta centro pri shakoludo. En 1904 divenis championo di Łódź vinkinte kontre Henryk Salwe. En 1906 esis duesma en championeso di Rusa imperio.

Yari 1907-1912 esis periodo di maxim granda sucesi di Rubinstein. En 1910, konsideresinte kom maxim bona ludisto dil mondo, ne partoprenis il en konkurso pri mondala championeso pro lora reguli – Emanuel Lasker (kom championo) persone selektis rivalo por su sate richa a finansar la konkurso. Ludis e perdis Carl Schlechter.

En 1912 vinkis 5 sequanta internacionala shakoludo-turniri. To esas rekordo til nun. Bent Larsen facis la same, ma il bezonis 3 yari.

Dum vive la shakoludisto sufris pro antropofobio e lore ilua anxio a homi kreskis.

Ilua espero por konkurso pri championeso en 1914 nihiligis unesma mondomilito. Reprezentante renaskata Polonia en 1922 Rubinstein vinkis turniro en Wien, en qua partoprenis: Saveli Tartakover, Siegbert Tarrasch, Géza Maróczy, Richard Réti e futura championo dil mondo Alexandr Alehin.

En 1930 dum olimpiado pri shakoludo en Hamburg il ganis ora medalio esquadale, e individuale esis maxim bona perdinte nula konkurso. Dum olimpiado en Praha (1931) il e esquado di Polonia esis vice-championo.

De 1932 Rubinstein ludis en nula turniro, anxiala maladeso vinkis.

De 1927 il vivis en Belgia, ube mortis en sorgeyo.

Segun retro-spektala sistemo maxim granda rango Salwe havis en 1913 – 2789, 1ma pozeso en la mondo.