Amiens
From Wikipedia, the free encyclopedia
Remove ads
Amiens esas urbo en Franca regiono Supra Francia, ed esas chef-urbo di departmento Somme. Segun demografiala kontado en 2022, ol havis 134 780 habitanti. Lua tota surfaco esas 49.46 km². Ol esas centro di metropolala regiono kun plua kam 400 mil habitanti.
| Amiens Anmien(s) / Anmyin (Pikarda) | ||
.JPG) | ||
| Centro di Amiens, kun sua katedralo. | ||
 |
 | |
| Standardo | Blazono | |
| Lando: |  Francia | |
| Regiono: | Supra Francia | |
Informo: | ||
| Latitudo: | 49°53′31″N | |
| Longitudo: | 2°17′56″E | |
| Altitudo: | 86[1] m | |
| Surfaco: | 49,46 km² | |
| Habitanti: | 134 780 (2022) | |
| Denseso di habitantaro: | 2700 hab./km² | |
| Disto de Paris: | 134,9[2] km | |
| Horala zono: | UTC+1 (UTC+2 dum somero) | |
| Urbestro: | Hubert de Jenlis | |
Mapo: | ||
 | ||
 • Amiens | ||
Oficala retosituo: | ||
| https://www.amiens.fr/ | ||
Surnomizita "la mikra Venezia di la nordo", Amiens havas la maxim granda quanto di monumenti qui deklaresis Mondala Patrimonio di la Homaro da Unesko. Sua katedralo di Nia Damo (Santa Maria por katolikismo), konstruktita dum la 13ma yarcento, esas la maxim alta konstruktita segun arkitekturala stilo Gotika en Europa. Ol konstruktesis inter 1220 e 1247.
La nuna imajo dil urbo ligesas a tri importanta faktori: ol esis chef-urbo di historiala regiono Pikardia, ol havas importanta universitato (Université de Picardie Jules-Verne, inaugurita en 1969, qua havas plua kam 27 mil studenti), e ol havas importanta kultural agadi, qui profitas de bona substrukturo por eventi nacionale importanta.
Remove ads
Geografio
La reliefo di Amiens esas poke inklinita, jacanta an la du rivi di Somme, qua esas tranquila fluvio ecepte dum rara inundadi. L'urbo developis su konseque de naturala stretiguro di Somme por formacar lokale nomizita Hortillonnages, por posibligar kultivi en olima marshoza zono. Lua mezavalora altitudo esas 86 metri e lua maxim alta punto jacas 176[1] metri super la marala nivelo.
La klimato dil urbo esas oceanala de nordala e centrala regioni di Francia (Cfb segun la klimatala klasifikuro da Köppen), kun poka sunolumo dum la yaro, sen sika sezono, e kolda vintro. La mezavalora temperaturo en julio ed agosto (somero) esas 18,7°C, kontre ke la mezavalora temperaturo en januaro (vintro) esas 4,2°C.
La mezavalora yarala pluvo-quanto esas 646,6 mm, e la maxim pluvoza monato esas decembro, kun mezavalore 72,3 mm.
Remove ads
Referi
Wikiwand - on
Seamless Wikipedia browsing. On steroids.
Remove ads