Anguila

Anguila esas insulo e transmara teritorio di Unionita Rejio en Karibia. Segun statistiki de 2023, ol havis 15 911 habitanti. Lua tota surfaco esas 102 km².

Anguila Anguilla (Angla) Transmara teritorio di Unionita Rejio Vilajo Sandy Ground, Anguila. Chefurbo The Valley Maxim granda urbo The Valley Surfaco 102 km² Habitanti Denseso di habitantaro 15 911 (2023) 212,5 hab./km² Monarko Guvernisto Chefa ministro Charles la 3ma D. D. Selvaratnam Stephen Doughty Fondita o kreita 1650 Horala zono UTC-4 TNP (yaro) 307 milioni (2020) Reto http://www.gov.ai/

Historio

L'unesma habitanti di Anguila esis indijeni qui enmigris de Sud-Amerika. L'insulo deskovresis da Cristoforo Colombo en 1493 e nomesis de Hispana vorto anguila (anguilo) - probable pro lua longa, dina formo.

L'unesma kolonigiisti esis Angli qui arivis de St. Kitts en 1650. Franci okupis l'insulo pokatempe en 1666, ma sub la kontrato di Breda li retrodonis l'insulo ad Angliani.

Geografio

L'insulo formacesis de koralii. Ol jacas en Karibia norde de Saint-Martin/Sint Maarten. L'yarala mezvalora temperaturo en Anguila esas 27 °C.

Ekonomio

Nacionala banko di Anguila.

Precipua artiklo: Ekonomio di Anguila

La sulo dil insulo esas arida e tenua, neadquata por agrokultivo, e l'insulo havas poka naturala moyeni. Sua precipua fonti di revenui esas turismo, internaciona bankala agadi, administro di kompanii kun agadi en altra landi (offshore), asekuro-agadi, e pesko.

Anglila usas dolaro di Estal Karibia (XCD) kom monetaro, esanta la sola transmara teritorio qua uzas ol. La kurso di kambio esas 2,70 XCD po 1 dolaro di Usa.

Lua ekonomio subisis perdaji kande la lando frapesis da uragani Luis (1995) e Lenny (2000) e pose da ekonomiala krizo di 2008.