Azia

Azia esas la maxim vasta e populoza kontinento de la mondo, ed esas quar-ople plu granda kam Europa. Ol kovras 8,6% de la tota surfaco di la planeto, e havas cirkume 60% de lua tota habitantaro. Azia ed Europa formacas kune la superkontinento Eurazia.

• Surfaco: 44,4 milioni km².
• Habitanti: 3 879 milioni (2010)^[1].

Nedependanta stati en Azia

Yen listo pri la nedependanta landi qui havas teritorii en Azia. La maxim populoza lando del mondo, Popul-Republiko Chinia jacas en Azia.

Politikala mapo di Azia. Ica interpreto de la geografiala limiti di Azia inkluzas Armenia e Gruzia.

Afganistan Armenia[2] Azerbaijan[3] Bahrain Bangladesh Brunei Butan PR Chinia Chipro[4] Egiptia[5] Filipini Gruzia[6] India Indonezia[7] Iran

Irak Israel Japonia[8] Jordania Kambodja Kazakstan[9] Kirgizistan Kuwait Laos Libano Malaizia Maldivi Myanmar Mongolia Nepal Nord-Korea Oman Pakistan

Katar Rusia[10] Saudi-Arabia Singapur Siria Sri-Lanka Sud-Korea Tajikistan Tailando Estal Timor[11] Turkmenistan Turkia[12] Unionita Araba Emirii Uzbekistan Vietnam Yemen[13]

Geografio

Topografiala mapo di Azia.

Azia esas la centrala ed estala parto di Eurazia, formacita per 50 landi. Azia unionas su kun Afrika per la peninsulo di Sinai, e kun Europa per longa bordero sequante l'Urali.

Extrema punkti

• Maxim norda loko: Kabo Chelyuskin, Rusia (77˚ 36' N).
• Maxim esta loko: Kabo Dejnyov, Rusia (169˚ 45' W).
• Maxim suda loko: Kabo Bulus, Malaizia (1˚ 16' N).
• Maxim westa loko: Kabo Baba, Turkia (26˚ 4' E).
• mezavalora altitudo dil kontinento: 950 metri.
• Maxim alta monto: Monto Everest, kun 8,848 metri di altitudo.

Ekonomio

Yen la 20 maxim granda TNP de Azia.^[14]

Rango	Lando	TNP (2009) Miliardi di Dolari
1	PR Chinia	$8 789
2	Japonia	$4 137
3	India	$3 560
4	Rusia	$2 116[10]
5	Sud-Korea	$1 356
6	Indonezia	$969,2
7	Iran	$876
8	Turkia	$863,3
9	Taiwan	$717,7
10	Saudi-Arabia	$585,8
11	Tailando	$538,6
12	Pakistan	$449,3
13	Malaizia	$381,1
14	Filipini	$324,8
15	Hong Kong	$301,6
16	Vietnam	$258,1
17	Bangladesh	$242,4
18	Singapur	$235,7
19	Israel	$206,8
20	Unionita Araba Emirii	$201,4
—	Totalo 20 landi:	27 109,8

Ciel-skraperi en Tokyo, Japonia.

Azia esas la maxim granda produktero e konsumero di nutrivi di la Tero, e havas le maxim granda jaceyi di minerali dil planeto. Popul-Republiko Chinia - la maxim granda ekonomio de la regiono - divenis la 6ma granda ekonomio dil mondo en 2006, e kreskas mezavalore 9,5% omnayare. Altra du granda ekonomii esas Indiana e Japoniana.

Landi exemple Japonia o Israel havas moderna industriala ekonomii. On remarkas anke tale nomizita Aziana Tigri: Sud-Korea, Republiko Chinia (Taiwan), Singapur e Hong Kong.