Basilikata

Basilikata esas Italiana regiono jacanta sude de la lando, inter Kalabria, Kampania e Puglia. Segun statistiki de 2019, ol havis 562 869 habitanti.

Basilikata Regiono di Italia Monto Vulture, extingita volkano en Basilikata. Chefurbo Potenza Surfaco 9 992 km² Habitanti Denseso di habitantaro 562 869 (2019) 56,33 hab./km² Prezidanto regionala Vito Bardi (Forza Italia-koalisuro centrodextrana) Horala zono UTC+1 (UTC+2 dum somero) TNP (yaro) € 13,022 miliardi (2021) Reto www.basilicatanet.it

Historio

Homo erectus ja habitis la regiono dum Paleolitiko. Dum Greka periodo la regiono esis parto de tale nomizita Magna Grekia. Greki establisis su en Siris, Metaponto ed Heraklea.

Anciena regiono Lukania.

Dum Romana epoko la regiono konocesis kom Lukania, de Latina vorto lucus, signifikanta "foresto". Romani kompletigis l'okupo di la regiono dum la 2ma yarcento aK, e komencis extraktar ligno de sua foresti. Pos, Bizancani okupis la regiono e nomizis ol Basilicata, de Basilikos ("imperiala").

Normandi e Suabi anke okupis la regiono. Dum la 13ma yarcento, feudismo establisesis en la regiono, e impedis ekonomiala rekupero di la regiono, qua restis en abjekta povreso.

Pos plu kam 1 yarcento di okupo dal Rejio di la Du Sicilii, ye la 18ma di agosto 1860 ol anexesis a Rejio Italia. Tamen, pro la mala standi ekonomiala ed ambientala di la regiono, exemple zone ube malario esis endemika, multa habitanti ekmigris. Erste dum la yari 1930a la substrukturo plubonigesis, exemple per konstrukto di aquedukto. Dum la duesma mondomilito, Matera divenis l'unesma Italiana urbo qua rebeleskis kontre Germani, ye la 21ma di septembro 1943.

Erste pos finir la duesma mondomilito, l'ekonomiala situaciono di la regiono komencis plubonigar, pro agrala reformo. En 1952, Italiana guvernerio koakte translojis la maxim multa habitanti di Sassi di Matera, qui vivis en domi skulptita en kalkoza roki, por vivar en habiteyi plu salubra.Sassi di Matera esis extreme povra areo dil urbo Matera. Tamen, multa habitanti ekmigris, e to kreis demografiala krizo en la regiono.

Geografio

Montoza regioni reprezentas 46,8% de Basilikata.

Montoza regioni reprezentas 46,8% de Basilikata. Basa tereni reprezentas nur 8% de omna surfaco. La maxim alta monto di la regiono esas Monto Pollino, kun 2 267 metri di altitudo.

Proxim la litoro, la klimato esas mediteranea, ma litorofore la klimato esas kontinentala, pro influi del altitudo. En alta monti povas nivar dum la vintro.

La maxim importanta fluvii de Bazilikata esas Basento, Agri, Sinni, e Cavone. La lagi proxim Monticchio havas volkanal origino, kontre ke la lagi de Pietra del Pertusillo, de San Giuliano, e de Monte Cotugno konstruktesis dal homo.

Basilikata havas du provinci: Potenza (chefurbo:Potenza), e Matera (chefurbo: Matera).

Ekonomio

La bazo ekonomiala di Bazilikata esabas agrokultivo. Plantacerii reprezentas 46% del uzo di tereni. Terpomo e maizo kultivesas en montoza regioni.