Normandia

Normandia esas un ek la 18 regioni di Francia, e lua teritorio esas preske lo sama de historiala dukio samnoma]. Ol subdividesas en 5 departmenti: Calvados, Eure, Manche, Orne e Seine-Maritime. Segun statistiki por yaro 2022, ol havis 3 339 074 habitanti. Lua tota surfaco esas 29 906 km². Lua teritorio reprezentas 5% de metropolala Francia, e lua habitantaro esas 5% de la habitantaro di la lando.

Normandia Normandie (Franca) Normaundie (Normanda) Regiono di Francia Katedralo di Rouen. Chefurbo Rouen (Prefektio) e Caen (Regionala konsilistaro) Maxim granda urbo Rouen Oficala linguo o lingui: Franca. Altra linguo: Normanda Surfaco 29 906 km² Habitanti Denseso di habitantaro 3 339 074 (2022) 110 hab./km² Regionala prezidanto Hervé Morin Fondita o kreita 1 de enero de 2016 Horala zono UTC+1 (UTC+2 dum somero) TNP (yaro) €99 315 milioni (2022) Reto normandie.fr

La regiono esis la historiala bersilo di Normanda linguo. La nomo di la regiono originis de la koloniigo di lua teritorio da Vikingi (Norda homi) dum la 9ma yarcento, e konfirmesis per pakto inter Charles la 3ma di Francia e Vikinga chefo Rollo dum la 10ma yarcento.

Manik-insuli (Jersey e Guernesey) nun esas domeno di Britaniana monarkio, tamen historiale esis parto di Normandia.

Historio

Restajo di Romana teatro en Lillebone.

Homi habitabas la regiono de prehistorio, quale montras pikturi en kaverni trovita en Eure, Calvados, e Seine-Maritime. Multa megaliti ank existas en la tota Normandia, tamen la maxim antiqua populo qua habitis la regiono ante l'arivo di Romani de qua konocesa la historio esis Kelti. Multa objekti ek bronzo e restaji de sepulteyo e funerala urni trovesis en la regiono. Kelti, konocata kom Galiani, e Belgae, populo qua habitis la nuna Belgia, invadis la nuna Normandia multafoye dum la 4ma e la 3ma yarcenti aK. Ni konocas multa informi pri ta populi de libro Commentarii de Bello Gallico skriptita da Iulius Caesar. En 57 aK, Galiani komandita da Vercingetorix probis rezistar Romana invado, ma fine vinkesis en 51 aK, kande Caesar konquestis la tota regiono.

En 27 aK, Augustus riorganizis Galiana teritorio, ed adjuntis tribui Caleti e Veliocassi a provinco Gallia Lugdunensis, kun chef-urbo en Lyon. Dum la konstrukto di autochoseo A29 en Seine-Maritime, diversa villa del epoko Galo-Romana deskovresis.

Dum la 3ma yarcento, diversa ataki da barbari devastis Normandia.

Precipua artiklo: William la Konquestero

William la Konquestero, decendinto di Rollo, divenis rejulo di Anglia en 1066.

Commons

Commons havas kontenajo relatante a:

Normandia

Regioni di Metropolala Francia

Grand Esto · Arvernia-Rodano-Alpi · Supra Francia · Burgundia-Libera Komtio · Bretonia · Centro-Valo di Loire · Loire-regiono · Korsika · Francilia · Nov Aquitania · Ocitania · Normandia · Provenco-Alpi-Azur-Rivo