Batalio di Rabaul
From Wikipedia, the free encyclopedia
Remove ads
La Batalio di Rabaul, anke konocata dal Japoniani kom Operaco R esis batalio de la Duesma mondomilito qua eventis en l'urbeto Rabaul, Nova-Guinea, de januaro til februaro 1942. Lor, Rabaul esis la chef-urbo dil teritorio di Nova-Guinea administrita da Australia.
| Batalio di Rabaul | |||
 | |||
| Australiana trupi retretas de Rabaul. | |||
| Konflikto: | Duesma mondomilito | ||
| Dato: | 23ma di januaro til februaro 1942 | ||
| Loko: | Rabaul, Nova-Guinea | ||
| Rezulto: | Japoniana vinko. | ||
 Australia |
↔ | Japonian imperio | |
| John Scanlan | ↔ | Shigeyoshi Inoue Tomitaro Horii | |
| 1.400 soldati en Nova-Britania 1.300 soldati en Nova-Irlando |
↔ | 5.000 soldati en Nova-Britania 3.000 – 4.000 soldati en Nova-Irlando | |
| 6 pilotisti di avioni mortigita, 5 vunditi 28 soldati mortigita dum la batalio ~1.000 soldati kaptita[1] |
↔ | 16 soldati mortigita e 49 vundita | |
Por Japoniani, Rabaul esis importanta pro lua proximeso kun l'insuli Karolini, ube Imperiala Mar-Armeo Japoniana havis bazo. Li komencis bombardar l'urbeto ye la 4ma di januaro 1942. Ye la 14ma di januaro Japoniana trupi departis de Truk e komencis navigar vers Rabaul. Li uzis du avionala transportonavi - Kaga ed Akagi - 7 krozeri, 14 kontre-torped-navi, e diversa naveti e submara navi, sub komando dil vice-admiralo Shigeyoshi Inoue.[2]
Ye la 23ma di januaro 1942 cirkume 5.000 Japoniana soldati komencis desembarkar en Nova-Britania. Kelka civili organizis la retreto di cirkume 450 Australiana soldati de Rabaul vers l'insulo Nova-Guinea.[2] Tamen, cirkume 1.000 Australiani divenis militala kaptiti. Japoniani strategiale vinkis la Federiti e kaptis la portuo di Rabaul, qua pose transformesis en bazo por atakar Nova-Guinea ed avancar vers Port Moresby.
Remove ads
Referi
Wikiwand - on
Seamless Wikipedia browsing. On steroids.
Remove ads