Benjamin Britten

Edward Benjamin Britten, Barono Britten (1913 til 1976) esis Britaniana kompozisto.

Benjamin Britten
Profesiono:	kompozisto
Lando:	Unionita Rejio
Naskodato:	22 di novembro 1913
Nasko-loko:	Lowestoft, Suffolk, Anglia
Mortodato:	4 di decembro 1976
Morto-loko:	Aldeburgh, Suffolk, Anglia
Retoloko:	https://www.brittenpears.org/

Il skribis plura operi, inkluzite:

• Peter Grimes (1941)
• Albert Herring (fondita sur la rakonto Le Rosier de Madame Husson da Guy de Maupassant) (1267)
• Billy Budd (fondita sur la kurta romano kun sama titulo da Herman Melville) (1958)
• The Turn of the Screw (fondita sur la rakonto kun sama titulo da Henry James) (1955)

Ilua orkestrala verki inkluzas:

• Simple Symphony (Simpla Simfonio; por kordeto-orkestro) (1934)
• Variations on a theme of Frank Bridge (Variadi sur temo di Frank Bridge; por kordeto-orkestro) (1937)
• The young person's guide to the orchestra (Guido a la orkestro, por yuna persono) (1946)

Peter Grimes

La opero Peter Grimes esis unesmafoye pleata ye 7 di junio 1945; ol divenis tre sucesoza. La fonto esis poemo da George Crabbe (1754-1832, de la Angla komtio Suffolk, ube Britten rezidis), olqua kontenis rakonto pri tragediala karaktero, peskisto Peter Grimes, di la urbeto Aldeburgh ye la marbordo di Suffolk. En la poemo il esas simpla kriminemo, ma en la opero il esas plu komplexa. Britten komentis ke la temo dil opero esas "la lukto di la individuo kontre la populo-amaso. Quante plu vicioza esas la societo, tante plu vicioza esas la individuo."

Albert Herring

La opero Albert Herring esis unesmafoye pleata ye Glyndebourne en Sussex, Anglia, ye 20 di junio 1947. La opero esas komedio, e la fonto di la verko esis la rakonto Le Rosier de Madame Husson da Guy de Maupassant. Britten kompozis la muziko dum la vintro di 1946 e printempo di 1947. La originala rakonto eventas en Normandia; en la opero, ol eventas en la Angla komtio Suffolk.